СДСМ: 10 милиони евра за ваучери за над 130.000 граѓани за одмор во домашните туристички капацитети

Од:

„Над 130.000 вработени граѓани чии приходи од јануари до април годинава месечно не биле поголеми од 15.000 денари ќе добијат ваучер од 6.000 денари, кој ќе можат да го искористат во домашните туристички објекти, но и платежна картичка од 3.000 денари која ќе може да ја користат во сите угостителски објекти во државата.

Ова е дел од третиот пакет мерки на Владата предводена од СДСМ за директна поддршка на економијата.

Граѓаните кои, според податоците на УЈП ги исполнуваат условите за оваа мерка, преку електронска пошта ќе добијат ваучер со QR KOD во вредност од 6.000 денари и упатство за негово користење. На истите граѓани им следува и електронска платежна картичка во вредност од 3.000 денари која можат да ја користат во сите угостителски објекти за исхрана и во објектите каде ќе одмараат и во други угостителски објекти“, велат од СДСМ.

„Ваучерите за сместување можат да се користат во сите објекти за сместување кои имаат Решение за категоризација вклучувајќи го и приватното сместување од 15 јули до 15 декември годинава.

Оваа мерка за поддршка на домашниот туризам, како една од најпогодените гранки од коронакризата, е во вредност од 10 милиони евра.

Главна цел на оваа мерка е поттикнување на домашната приватна потрошувачка и поддршка на домашниот туристичко-угостителски сектор, а во периодот што следува ќе продолжи реализацијата на нови мерки и програми за опоравување на последиците коронакризата“, соопштуваат од СДСМ.

Би можело да ве интересира

Талевски: ДПМНЕ и Тошковски ја загрозуваат безбедноста на граѓаните

Катерина Ѓуровски

Формирана „Коалиција за европска иднина“

Предраг Петровиќ

СДСМ: Безбедни ученици, бесплатен топол оброк во средно и основно

Горан Наумовски

СДСМ: Платформа од минатиот век се нови лажни ветувања на ДПМНЕ по пример на Скопје

(ВИДЕО) СДСМ и Движењето Нова Република потпишаа меморандум за соработка во пресрет на изборите

Николоски: Дали СДС, Ковачевски и Пендаровски го плаќаат консултантот Еисин со пари од кешот што го извлекувале од тендерите со РЕК