Руте од Прага: Се согласивме дека мораме да ја намалиме цената на гасот

Од:

Холандскиот премиер Марк Руте денеска од Прага, каде што се одржува првиот состанок на Европската политичка заедница, изјави дека „тоа за што денеска се договоривме е дека мораме да ги намалиме цените на гасот во Европа“, и тоа, според него, не е прашање само за 27-те земји членки на ЕУ, туку за сите 44 земји и сите 44 лидери целосно се согласиле и имаат заедничка амбиција да донесат мерки за пониски цени на гасот.

-Сè додека цените на гасот се високи, а инфлацијата во Европа е висока, сите влади гледаат како ќе ги поддржат домаќинствата и компаниите за да можат да се справат со ситуацијата со високите цени на енергетскиот пазар и високата инфлација, рече тој.

На прашањето како ќе го направи тоа, Руте кажа дека за тоа треба да одлучат државите, дека тоа е во национална јурисдикција, дека Холандија спроведува мерки, дека Франција, на пример, со години дава субвенции, а дека и другите земји имаат сопствени системи.

-Тоа е индивидуална работа на државите, но јас зборувам за колективна мерка што би се однесувала на цената на гасот, посочи Руте.

Кога станува збор за разговорите во Прага, тој рече дека е изразена желбата тоа да се случи и дека за тоа ќе се разговара меѓу 27-те земји членки.

-Треба да се реализира не утре, туку во блиска иднина. Веќе направивме многу, разговаравме за прашањата за ограничување на цената, моделот што би се имплементирал, како би работеле на заедничката набавка, ќе разговараме за сите овие прашања, а потоа генералното чувство е дека треба повторно да дојдеме до сите 27 држави и да направиме нешто како 44, истакна холанскиот премиер.

Извор: МИА

Би можело да ве интересира

Судир меѓу полицијата и семејствата на исчезнатите во Ротердам: Уапсени двајца мажи

Две експлозии во Холандија, нема повредени

Горан Наумовски

Снегот виновник за откажани десетици летови од Амстердам

На изборите во Холандија најмногу гласови освои опозициската десничарска Партија на слободата

Амбасадорот Коп: Во земјава нема вистинска политичка волја за промена

А1он

Навивач на Зрињски „стигна“ во холандските медиуми поради исмејувањето на познатиот тренер

Предраг Петровиќ