РКЕ им ги одзеде лиценците на две компании за трговија со мазут и еуродизел

Од:

Регулаторната комисија за енергетика и водни услуги (РКЕ) ги одзеде лиценците на трговците на големо: ПЕРТИНАКС ДООЕЛ Скопје во делот на вршење на енергетската дејност трговија на големо со мазут (М-1) и на ГУЛИВЕР ИНЖИНЕРИНГ ДООЕЛ Скопје за вршење на енергетска дејност трговија на големо со Еуродизел БС. Лиценците, како што посјаснуваат од РКЕ, се одземаат поради тоа што трговците на големо не доставија докази дека поседуваат резервоари за соодветниот нафтен дериват.

ОД РКЕ информираат дека ДАДИ ОИЛ ДООЕЛ Јакимово Виница доставил документи со кои докажува дека поседува резервори за Еуросупер БС 95, по што Комисијата ја запрела постапката. БАШИНО ГАС извоз – увоз ДООЕЛ Велес, пак, приложил документи за обезбедени резервоари за вршење на енергетска дејност трговија на големо со течен нафтен гас (ТНГ).

-Двајца трговци на големо не доставија докази дека имаат резервоари за складирање на дел од нафтени деривати, што се основни средства за работа. Токму поради тоа што не поседуваат основи средства РКЕ донесе одлуки со кои им ги одзеде лиценците за вршење на енергетска дејност за Еуродизел БС на Гуливер Инжинеринг и на Пертинакс за мазут. Овие трговци не можат да тргуваат со овие поединечни деривати, затоа што немаат лиценца, вели Марко Бислимоски, претседател на Регулаторната комисија за енергетика и водни услуги.

Што се однесува за постапките за одземање на лиценци кои беа отпочнати за оперативните резерви на мазут, РКЕ ги добила записниците од извршениот инспекциски надзор на Државниот пазарен инспекторат во кои се констатира дека трговците ги поседуваат оперативни резерви по што биле донесени одлуки со кои се запрени постапките за РКМ ДООЕЛ Скопје, Ли – ОИЛ ДБ ДООЕЛ увоз- извоз Кавадарци, СУПЕРТРЕЈД ДООЕЛ увоз-извоз Скопје.

Би можело да ве интересира

Поевтинува дизелот

Поскапува дизелот

Пониски сметки за струја во првиот блок, пристап до мрежа од 200 денари ќе плаќаат и оние што штедат

Катерина Ѓуровски

Парното поскапува, Регулаторна денеска ќе објави колку

Трговците ќе можат да не снабдуваат со струја од Косово – Регулаторна комисија потпиша соработка

Орце Костов

Предлогот Бислимоски да биде уште еден мандат на чело на Регулаторна на пленарна седница