РКЕ донесе регулаторна тарифа за водни услуги во Општина Ресен

Од:

Регулаторната комисија за енергетика (РКЕ) првпат донесе регулаторна тарифа за водни услуги за македонска општина која не постапи по нивните предлог решенија за цената за водните услуги што треба да се применува од 1 јануари идната година. Регулаторната тарифа се однесува за јавното комунално претпријатие од општина Ресен и таа е повеќе од двојно пониска од првично побараната цена од ресенското водоводно претпријатие.

dobivaj vesti na viber

-Општина Ресен беше првата општина која не постапи по нашите предлог решенија. Откога измина рокот од 150 дена, во кои Советот на општината требаше да утврди цена во понудениот опсег, во текот на минатата недела РКЕ определи цена за водоводното претпријатие од Општина Ресен. Општината е обврзана оваа цена да ја применува од 1 јануари 2019 година, изјави претседателот на РКЕ Марко Бислимовски.

Нагласи дека имале одредени недоразбирања со комуналното претпријатие од општина Ресен. Во текот на постапката, прецизира, од претпријатието побарале зголемување на цената од пет денари, а РКЕ направила дополнителни анализи и смета дека поскапувањето од 2,22 денари е доволна претпријатието да ги покрие оправданите трошоци.

РКЕ од 2016 година е надлежна за утврдување на цената за водни услуги во македонските општини и тоа за снабдување со вода за пиење или водоснабдување, како и за собирање, прочистување и одведување на урбани отпадни води што ќе се применуваат од 1 јануари идната година за регулираниот период од 2019 до 2021 година. Регулаторот на општините им доставуваше предлог решенија со опсег од најниска до највисока цена за услугите кои потоа ги разгледуваа општинските јавни претпријатија и доставуваа сопствен предлог за цена до советите на општините. Советите на општините имаа рок од 150 дена да донесат одлука која од понудените цени во опсегот ќе се применува од 1 јануари. Доколку во предвидениот рок советот не ја усвои одлуката, Регулаторот има право да донесе регулаторна тарифа која општината е должна да ја применува од 1 јануари.

Би можело да ве интересира

РКЕ: Издадени над 200 лиценци за производство на електрична енергија од обновливи извори

Ана Ололовска

Бислимоски: Допрва доаѓаат месеци во кои што температурата ќе биде пониска, неопходно е рационално трошење на сите енергенси

Ана Ололовска

Бислимоски: Да не креваме хистерија и да правиме паника, скопјани од утре ќе имаат парно

Орце Костов

Бислимоски: Потрошувачите плаќаат само за она што го имаат потрошено, РКЕ не ги признава кражбите на електрична енергија во крајната цената

Ана Ололовска

ЕВН: Надоместокот за пренос и дистрибуција постои отсекогаш, сега се издвојува согласно европските регулативи, а РКЕ признава само дел од вкупните загуби, дел се на товар на компанијата

Ана Ололовска

Бислимоски почна да штеди во РКЕ: Дојдов на работа по скали, планирам да ослабам

Орце Костов