Раст на инфлацијата во Франција во август

Од:

Францускиот институт за статистика и економски студии-ИНСЕЕ, INSEE ја ревидираше својата проценка за индексот на потрошувачките цени во август, според која инфлацијата достигна 5,9 отсто на годишно ниво, наспроти 5,8 отсто што се очекуваше во првата проценка, јави дописникот на МИА..

dobivaj vesti na viber

Детално, во текот на еден месец, цените на производите се зголемија за 1,8 отсто, поттикнати од крајот на летната распродажба. Во исто време, цените на храната, исто така, се зголемија, за 1,7 отсто, „поради скокот на цените на свежите производи“: особено е погодено свежото овошје, како и месото, млекото, сирењето и јајцата.

Спротивно на тоа, цените на услугите забавија, а цените на енергијата паднаа за 3,9 отсто. За една година, поскапувањето на енергенсите во август достигна 22,7 отсто, на храната 7,9 отсто, а на производните производи 3,5 отсто, се наведува во документот.

ИНСЕЕ очекува инфлацијата до декември да се движи „околу 6,5 отсто“, кога Банк де Франс прогнозира „пик“, на исто ниво како и националните статистичари.

Враќање во нормала не се очекува барем пред крајот на зимата. Оваа недела, министерот за економија Бруно Ле Мер, рече дека очекува силна инфлација до јануари или февруари 2023 година, пред да почне да се чувствува олеснување. И тимовите на Министерството за економија и финансии значително нагоре ја ревидираа својата прогноза за следната година, оценувајќи ја инфлацијата во просек на 4,2 отсто, наместо досегашните 3,2 отсто.

Извор: МИА

Би можело да ве интересира

Лагард: Инфлацијата во Европа сè уште не го достигнала максимумот

Франција за безбедност во сообраќајот сака да ги резервира тротоарите само за пешаците

А1он

Азербејџан ги одложи преговорите со Ерменија, не сака Франција да учествува во нив

А1он

Поскапувањата на цените најголем проблем за Грците, покажува анкета

А1он

Годинава ќе ја завршиме со инфлација од 14,3 отсто, цените ќе ја празнат потрошувачката кошничка и следната година

Орце Костов

14-годишно девојче во Франција било силувано и убиено