Просечната нето-плата во јули 27.231 денари

Од:

Просечната нето-плата во јули годинава била 27.231 денар, додека бруто платата изнесувала 40.640 денари. Според Државниот завод за статистика, во однос на јули 2019 година нето платата е поголема за 8,5 отсто, а бруто платата за девет проценти.

-Ваквото зголемување се должи, пред сѐ, на зголемувањето на просечната месечна исплатена нето-плата по вработен во секторите: Образование (12,7 отсто), Информации и комуникации (12,4) и Дејности на здравствена и социјална заштита (12,3). Зголемување на просечната месечна исплатена нето-плата по вработен, во однос на претходниот месец, е забележано во секторите: Објекти за сместување и сервисни дејности со храна (9,1 отсто), Уметност, забава и рекреација (7,1) и Трговија на големо и трговија на мало; поправка на моторни возила и мотоцикли (6,6), наведува Заводот за статистика.

Во однос на бруто платата, зголемувањето се должи, пред сѐ, на зголемувањето во секторите: Образование (13,8 отсто), Дејности на здравствена и социјална заштита (12.6) и Информации и комуникации (12,2 процента). Зголемување на просечната месечна исплатена бруто-плата по вработен, во однос на претходниот месец, е забележано во секторите: Објекти за сместување и сервисни дејности со храна (9 отсто), Уметност, забава и рекреација (6,8) и Трговија на големо и трговија на мало; поправка на моторни возила и мотоцикли (6,6).

Би можело да ве интересира

Заев на Фејсбук вели дека просечната плата расте, предвидува дека ќе продолжи да расте

Жарко Настоски

Просечната нето плата во април 28.438 денари

Ана Ололовска

Државната помош за февруари и март ја злоупотребиле 181 работодавач, не дале плати на 753 вработени

Ана Ололовска

Просечната нето-плата во март 28.217 денари

Ана Ололовска

Просечната плата во февруари 27.948 денари

Ана Ололовска

Барањето за исплата на плати за февруари и март поставено на платформата на УЈП, работодавачите до 30 април да го поднесат на е-даноци

Ана Ололовска