Просечна нето плата во јуни 26.867 денари, а бруто платата 40.107 денари

Од:

Просечна нето плата во јуни годинава изнесувала 26.867 денари што во однос на истиот месец лани е зголемување за 6,6 отсто. Бруто платата, пак, била 40.107 денари што е раст за 7,1 процент.

Според Државниот завод за статистика, зголемувањето на просечната нето плата се должи, пред сѐ, на зголемувањето на просечната нето плата во секторите: Финансиски дејности и дејности на осигурување (18,7 проценти), Рударство и вадење на камен (15,2 отсто) и Образование (12,6 отсто).

Зголемување на просечната месечна исплатена нето плата по вработен во однос на претходниот месец е забележано во секторите: Финансиски дејности и дејности на осигурување (14,1 отсто), Рударство и вадење на камен (6,3 отсто) и Стручни, научни и технички дејности (4,3 проценти).

Растот на просечната бруто плата во јуни 2020 година се должи, пред сѐ, на зголемувањето на просечната бруто плата во секторите: Финансиски дејности и дејности на осигурување (18,5 отсто), Рударство и вадење камен (15,9 отсто) и Образование (13,6 проценти).

Зголемување на просечната месечна исплатена бруто плата во однос на претходниот месец е забележано во секторите: Финансиски дејности и дејности на осигурување (14,1 отсто), Рударство и вадење на камен (6,5 проценти) и Преработувачка индустрија (4,2 отсто).

Би можело да ве интересира

Околу седум илјади вработени не зеле плата во февруари чекајќи ја државната помош

Со поддршка од ЕУ субвенционирани платите на околу 30 милиони работници

Жарко Настоски

Жените во ЕУ во просек имаат за 14 отсто помали плати од мажите

Жарко Настоски

Просечната плата во декември 28.294 денари, забележан раст од 5,4 отсто

Ана Ололовска

Просечната нето плата во октомври изнесувала 27.899 денари

Ана Ололовска

Спасовски: На вработените во МВР ќе им биде исплатена заостаната бонус плата за 2017 и за 2018 година