Промовиран брендот „Струмица-Ѕвезда под небото“

Од:

Брендот Струмица е визија за позиционирање на Струмица на пазарот на градови и препознавање на Струмица како добро место за живеење, добра туристичка и деловна дестинација, истакна Ѓоко Ристовски од општина Струмица на синоќешната промоција на брендот.

За градоначалникот Коста Јаневски, Струмица е град-ѕвезда, кој создава и производи и луѓе и вредности.

-Брендот „Ѕвезда под небото“ ќе ја заинтригира човековата љубопитност, ќе го примами секој посетител, потенцијален инвеститор, деловен соработник, уметник или патник, да ги прими со сите сетила спецификите на градот и да го рашири добриот глас на долго и на широко по белиот свет, рече градоначалникот Јаневски.

На промоцијата присуствуваше и директорот на Агенцијата за промоција и поддршка на туризмот, Љупчо Јаневски, кој рече дека Струмица има многу направено за препознавање од туристички аспект.

-Струмица е туристичка дестинација за четири сезони и тоа значи дека има што да понуди од повеќе аспекти, од аспект на културниот туризам, од аспект на неоткриена туристичка дестинација, а исто така и за забавата и за сето она што значи Струмица не само во регионот, туку и во Македонија, изјави директорот Јаневски.

Автори на промотивните материјали се Марјан Ѕингаров, Никола Маџиров и Александар Дончев, а брендот Струмица е создаден во рамките на спроведувањето на проектот „Промоција на туризмот и културата“, финансиран од ЕУ во рамки на ИПА програмата за прекугранична соработка меѓу Република Грција и Република Северна Македонија.

Би можело да ве интересира

Филипче: Лежалката на плажа лесно се заменува со болнички кревет

А1он

Туристите немилосрдни со Охрид, уринираат во парковите и фрлаат ѓубре во езерото

Искра Манојлоска

Во екот на сезоната во Црна Гора има 92 проценти помалку туристи

А1он

ВИДЕО: Англискиот јазик на бугарската министерка за туризам стана хит и потсмев кај јавноста

А1он

ВИДЕО: Колони возила и натаму се упатуваат кон Охрид, градот колабира

Министерството за здравство апелира да се почитуваат донесените протоколи за работата на плажите и базените

А1он