Министерот за локална самоуправа Тахир Хани денеска во Претор, ќе го промовира проектот за имплементација на законската регулатива за категоризација на туристичко-угостителски објекти во Пелагонискиот плански регион.
Проектот ќе биде финансиран со средства од Програмата за рамномерен регионален развој на Министерството за локална самоуправа, а има цел да опфати над 100 туристичко-сместувачки капацитети во Пелагонискиот плански регион.
Проектот е во функција на подигнување на квалитетот на услугите во туризмот и зголемување на бројот на туристите во регионот, што би придонело за развој на општините во Пелагонискиот плански регион.