Државниот завод за ревизија (ДЗР) денеска ќе го презентира вториот квартален извештај кој е подготвен во рамки на проектот „Зајакнување на финансиската отчетност и транспарентност во Македонија“, а имплементиран од Фондацијата за демократија на Вестминстер (WFD), Центарот за економски анализи (ЦЕА) и Институтот за комуникациски студии (ИКС), со поддшка од Британската амбасада во Скопје.
Од наодите на ДЗР кои ќе бидат презентирани, меѓу другото се и извршените планирани ревизии на регуларност и успешност предвидени со Годишната програма за работа на ДЗР за 2016 година. Ќе бидат презентирани и впечатоците на субјектите на ревизија кои според ДЗР се задоволни од соработката со нив за кои сметаат дека со спроведувањето ревизија, ДЗР помага во подобрувањето на работењето на институцијата…
Вториот квартален извештај ја опфаќа работата на ДЗР во периодот од јануари до март 2017 година, а се однесува на неколку аспекти и тоа на транспарентност на ДЗР, перцепција на субјектите на ревизија, медиумите и општата јавност за транспарентноста на ДЗР, резултати од работата на ДЗР и правна релација помеѓу ДЗР и Собранието на РМ.