Поради пандемијата со Ковид-19 од утре предвремена и етапна исплата на пензиите за јули

Од:

Исплатата на пензии за јули почнува од утре, информираат од Министерството за труд и социјална политика, од каде додаваат и дека со предвремена и етапна исплата на пензиите, што се реализира последниве четири месеци, се овозможува поголема заштита на пензионерите во услови на опасност од коронавирусот.

-Подигнувањето на пензиите преку филијалите и експозитурите на банките за пензионерите кои не користат картички ќе се реализира во четири групи, според висината на пензијата. утре ќе се исплаќаат пензии со висина до 11.000 денари, во среда од 11.001 денари до 14.000 денари, во четврток од 14.001 денари до 18.000 денари и во петок ќе се исплаѓаат пензии во висина над 18.000 денари, се вели во соопштението од МТСП.

Пензионерите кои користат платежна картичка поврзана со сметката на која се префрлува пензијата, со парите можат да располагаат од вторник 28 јули. Тие можат да ја подигнат јулската пензијата на банкомат, да ги користат средствата за плаќање во трговската мрежа или за електронски плаќања.

Етапното процесирање на пензиите, велат од Министерството, ќе овозможи спроведување на препораките и мерките за спречување и ширење на вирусот, со оглед на тоа што пензионерите како возрасна група се најранливи.

-Министерството за труд и социјална политика укажува дека пензиите се сигурни на сметките на корисниците, пензискиот систем е стабилен и функционира без проблеми. Апелираме до пензионерите да се придржуваат до распоредот за исплати, затоа што етапната исплата е направена со цел да се намали метежот пред банките и можностите за загрозување на личното и јавното здравје, посочуваат од Министерството.

Оттаму потсетуваат на обврската за носење лична заштитна опрема којашто ги покрива пределот на носот и устата како и на држење растојание при чекање ред пред и внатре во банките.

Би можело да ве интересира

ВИДЕО: Се работи на законот за пензионирање со 64 години, за предвременото пензионирање допрва ќе се разговара

Ана Ололовска

(ВИДЕО) Шахпаска: Следната година нов закон за работни односи

Ана Ололовска

Според анализите на МТСП капацитетот во градинките не е исполнет

Ана Ололовска

Се разгледуваат нови услови за пензионирање, ќе го зголеми ли тоа товарот на пензискиот фонд

Ана Ололовска

Средба Шахпаска – Елерајт: Преку интензивен социјален дијалог треба да дојдеме до одржливи законски решенија во интерес на безбедноста и здравјето при работа

Ана Ололовска

Средба Шахпаска – Ди Џовани: УНИЦЕФ е рамноправен партнер на земјава во унапредувањето и заштитата на правата на децата

Ана Ололовска