Поради пандемијата Европејците повеќе користат платежни картички

Од:

Потрошувачите во еврозоната се повеќе плаќаат со картички отколку со готовина од почетокот на пандемијата со Ковид-19 и планираат да продолжат со таквата пракса, покажуваат резултатите од истражувањето на Европска централна банка (ЕЦБ).

Според студијата пандемијата го забрзала трендот за напуштање на готовината, а се попопуларни се новите начини за бесконтактно плаќање со картички, телефони, па и часовници.

Околу 40 проценти од испитаниците изјавиле дека од почетокот на Ковид-19 помалку плаќаат со готовина, а 87 отсто истакнале дека планираат да ја задржат навиката и по завршувањето на пандемијата.

Како најчеста причина за тоа го наведуваат олеснителното електронско плаќање во малопродажбата и стравот од зараза при контакт на банкноти и монети.

Од зараза преку парите најмногу стравуваат Шпанците и Португалците, а најмалку Естонците, Австријците и Словенците.

Во истражувањето, спроведено во јули, учествувале 17.779 испитаници.

Би можело да ве интересира

Зехофер: Заштитата на границите е легитимна

Ана Ололовска

Еврокомесар предупредува дека енергетската сиромаштија во Европа може да се зголеми

Ана Ололовска

Новак: Можна е нова голема криза за гас во Европа

Ана Ололовска

Европската комисија обезбедува 60.000 билети за патување за млади Европејци

Ана Ололовска

Вашингтон пост: Поради што се зголемуваат цените на енергијата во Европа?

Ана Ололовска

Џон Кери во посета на Европа

Ана Ололовска