Полска и Украина почнаа соработка во индустријата за нафта и гас

Од:

Полската државна компанија за гас ПГНиГ објави дека склучила договор со Украина за соработка во вадење и истражување на нафта и гас во Украина.

Договорот се однесува на работа на проширување на полето Пржимисл на украинската страна од границата, соопшти главниот извршен директор на ПГНиГ, Пјотр Возниак.

– Би било штета да не ја искористиме можноста да соработуваме, особено во светлината на предизвиците со кои се соочуваме при преминот од оваа во следната година, а и подоцна, рече Возниак.

Тој додаде дека извлечениот гас може да се користи во Украина, но дека PGNiG би сакал дел од гасот да оди и во Полска.

– Овој договор нè прави активен играч на пазарот на гас во регионот и исто така придонесува за безбедноста на Полска и другите земји, рече помошникот на полскиот претседател Кшиштоф Шецерски на прес-конференцијата на која го најави договорот.

ПГНиГ неодамна објави дека не планира да го продолжи договорот за снабдување со гас со рускиот „Газпром“ по истекот на крајот на 2022 година. Компанијата истакна дека Полска обезбедила снабдување со гас со диверзифицирање на изворите на снабдување, особено течен природен гас (LNG), со купување полиња за гас во Северното Море и со проширување на својата гасна мрежа.

Во ноември, ПГНиГ склучи договор за снабдување со течен природен гас со Чениер Маркетинг со седиште во САД. Договорот опфаќа период од 24 години и предвидува испорака на вкупно 40,95 милијарди кубни метри природен гас. Тој стапува во сила следната година.

Би можело да ве интересира

Полскиот претседател Дуда положи заклетва за вториот мандат

А1он

Полска: Пакетите со кинески семиња можат да се сметаат за биотероризам

А1он

Украинка копала тунел за да си го ослободи синот од затвор

А1он

Полска трет ден по ред бележи рекордно дневно зголемување на новозаразени со коронавирусот

А1он

Сенатори: САД да и достават на Украина годишно по 300 милиони долари воена помош

Ана Ололовска

Украински рапер пронајден мртов во замрзнувач

Ана Ололовска