Поддршка за инвеститорите полесно да дојдат до државна помош, нуди Делегацијата на германското стопанство

Од:

Делегацијата на германското стопанство им нуди поддршка на странските и домашните инвеститори за полесно да дојдат до државната помош преку правење анализи на македонските закони, но обезбедува и советување за приватно финансирање од регионални и меѓународни донатори.

-Со цел како на странските, така и на домашните компании инвеститори да им се овозможи полесен пристап до државната помош која ја нуди Владата за нови инвестиции, нашата канцеларија нуди анализа на македонските закони за државна помош. Покрај анализата која ја вршиме за секоја компанија засебно, проценувајќи ги можностите за државна помош во однос на инвестицијата која ја планира компанијата, нудиме и советување за приватно финансирање од регионални и меѓународни донатори, вели директорот на Делегацијата, Патрик Мартенс.

Мартенс воедно информира дека Делегацијата ја спроведе петтата обука на обучувачи за дуално образование со германски експерт. Со тоа, како што соопшти, досега се обучени и сертифицирани околу 50 компаниски обучувачи по германски стандарди.

-Покрај пандемијата со корона вирусот, дуалното образование во земјата и натаму успешно се имплементира. Притоа, од страна на компаниите се применуваат сите здравствени и безбедносни протоколи. Во наредните недели практичната обука на ученици треба да почне и кај нашите компании-партнери од Прилеп – „Витаминка“, „ВИК“ и „Гентерм“, наведува Мартенс во соопштението до медиумите.

Би можело да ве интересира

Заев: Со новата инвестиција на „Текнопанел“ се отвораат 120 нови работни места со просечна плата над 33.500 денари

А1он

Штипскиот регион еден од најатрактивните за инвестиции

А1он

Директорот на Агенцијата за странски инвестиции Павлески судија на престижните награди „Go Global”

А1он

На „Инвеститорискиот ден“ склучени најголем број трансакции годинава

А1он

Биогасната електрана Сарамзалино ќе биде пуштена во април, градежните активности во тек

Ана Ололовска

Заев: Секоја криза е шанса, затоа планираме големи проекти

Жарко Настоски