Почна циклусот работилници за повисока свест за окрупнување на земјоделското земјиште

Од:

Во Гостивар денеска се одржува првата од предвидените четири регионални работилници за подигнување на јавната свест за консолидација на земјоделско земјиште што ги организира Министерството за земјоделство, шумарство и водостопанство (МЗШВ) со поддршка на проектот MAINLAND финансиран од ЕУ кој го споведува ФАО.

Таргет на работилниците се земјоделците и сопствениците на земјоделско земјиште, а целта е да се зголеми локалната свест и разбирањето на придобивките од окрупнувањето на парцелите.

Присуствуваат претставници на локалните земјоделски организации, села и општини, како и други важни локални партнери од полошкиот, скопскиот и југозападниот регион. Тие ќе се информираат за принципите и постапките за консолидација на земјоделското земјиште, во согласност со соодветниот закон и во насока на спроведување на Националната стратегија за консолидација на земјиште 2012-2020 година, за претстојната селекција на најпогодни области за консолидација на земјиште и како да изразат интерес за новите консолидациски проекти во наредните неколку недели.

Работилници ќе се организираат уште во Битола, Струмица и Штип. Потоа, проектниот тим, заедно со претставници на МЗШВ и Агенцијата за развој и поттикнување на земјоделството (АПРЗ), ќе спроведе локални информативни состаноци во целните села за да им помогне на потенцијалните кандидати да аплицираат како корисници на проекти за консолидација на земјиштето. Овие активности имаат за цел да помогнат во изборот на проектни области со најголем потенцијал и интерес за консолидација кој се очекува да се случи до крајот на декември 2017 година.

Изминатите две недели, сектори и подрачни единици на МЗШВ, како и советници од АПРЗ беа обучени како да ги идентификуваат и селектираат најпогодните области за консолидација на земјоделско земјиште и како да работат заедно со земјоделците и сопствениците на земјоделско земјиште при изразување интерес за консолидација.

Би можело да ве интересира

Зголемување на органското производство кај житата, овошките и грозјето, драстичен пад кај индустриските култури

Ана Ололовска

Иновации, нови мерки и 200 милиони евра поддршка за модерно, одржливо и конкурентно земјоделство, најавува Владата

А1он

ЕК: До 2030 година 25 отсто од земјоделството да биде органско

Ана Ололовска

Средба на партнерите од коалицијата „Можеме“: Беса го добива ресорот Земјоделство

А1он

За 16,2 отсто намалени откупот и продажбата на земјоделски производи

Ана Ололовска

Откупот на градинарските производи од Струмичко тече без проблеми, земјоделците и трговците задоволни

Ана Ололовска