Останува ДДВ од пет отсто за становите

Од:

Данокот на додадена вредност (ДДВ)  од 5 отсто за становите  што требаше да важи до 31 декември 2015 ќе остане непроменет уште три години.

Ова е предвидено со најновите измени на Законот за ДДВ кои ги подготвува Министерството за финансии, беше речено денеска на прес-конференција во Стопанската комора.

Според анализите на Комората, побарувачката на станови се зголемува иако продажбата бележи благо намалување. Тренд на опаѓање имаат и цените, за околу 11 отсто  од 2010 година.

– Интересот за купување станови се зголемува и тоа, пред се, се должи на повластената ДДВ стапка од 5 отсто. Затоа бараме пролонгирање на  одредбата која го дефинира овој процент односно стапката на ДДВ да не се зголеми, истакна Марија Петреска од Комората.

Евентуалното зголемување на ДДВ од 5 на 18 отсто, додаде Петреска, би повлекло поскапување на становите за околу 13 проценти, а тоа ќе резултира со намалување на прометот за два до три пати, и намалување на приходите во државниот буџет.

Стопанската комора укажува и на континуирано зголемување на вредноста на станбените кредити кои се речиси двојно зголемени од пред 5 години. Во овој изминат период се искористени станбени кредити во вкупна вредност од околу 186 милиони евра.

Генерална е оценката дека изградбата на станови е се побрза и поквалитетна. Согласно анкетата на Комората со која биле опфатени 20 компании, моментно во градба се 2.042 стана од кои 252 не се продадени. Продажбата, велат од Комората, и натаму е најмногу условена од атрактивноста на локацијата.

Просечните цени на становите минатата година во Скопје изнесувале 876 евра за метар квадратен без ДДВ за разлика од 2010 година кога биле 1.043 евра. Во останатите населени места низ Македонија метар квадратен лани чинел 544 евра, а во 2010 – 718 евра.

Би можело да ве интересира

Бесими: Од 2022 година, прагот за ДДВ обврзници се зголемува на три милиони денари

А1он

Владата не се откажува од проектот „Викенд без ДДВ“, се разгледуваат можностите кога може да се реализира

Ана Ололовска

Минимални трошоци за основање фирма и намалување на парафискалните давачки до 75 проценти, ветува Владата

Ана Ололовска

Секој петти стан во Скопје е под хипотека

А1он

Почна исплатата на МојДДВ за април мај и јуни, зголемен бројот на скенирани сметки

Ана Ололовска

Ангеловска: Внимателност со какви било промени кај ДДВ, евентуални интервенции по детална анализа

Ана Ололовска

Leave a Comment

17 − 3 =