Оштетени штедачи во „Еуростандард“: Фирми не плаќале рати за кредитите и немале покритие за нив

Од:

Здружението на оштетени штедачи на „Еуростандард банка“, повикувајќи се на извештајот од стечајниот управник, денеска преку соопштение информира дека на денот на затворањето на банката на 12 август имало 149 фирми со неисплатени кредити во вкупен износ од околу 55 милиони евра.

Во соопштението се наведува дека фирмите не ги плаќале ратите на кредитите и оти обезбедувањето на кредитите било далеку под износот на кредитот што им бил даван на компаниите.

– Ниту една од овие фирми немала платено ниту една рата, а доцнеле со плаќање од неколку стотини до преку 1300 денови. Земени кредити во стотици илјади до милионски суми во евра. Тоа што е најстрашно е обезбедувањето кај овие фирми. Имено, најголем број од нив имаат обезбедување во станбен и деловен простор, опрема, моторни возила, залог на трговска стока или земјоделско земјиште чиишто проценети вредности најчесто се движат од 5 до 50 отсто од износот на кредитот, се наведува во соопштението.

Кредитите на околу 60 фирми, како што се посочува во соопштението, бил покриени само со меници.

Вината за ова, според здружението на оштетени штедачи, е во раководните лица на банката и во Народната банка.

– Резултатот од таквото однесување е познат денес. Во сред пандемија, голема здравствена и економска криза, криминалците од банката помогнати од замижувањето и неделувањето на Народна банка за време на нејзините вршени контроли почнувајќи од 2013 година па наваму, не оставија без нашиот личен капитал, имот, сигурност, здравје, живот, сегашност и иднина, се вели во соопштението и се додава дека се работи за над 700 физички лица кои загубиле повеќе од 24 милиони евра.

Би можело да ве интересира

Оштетените штедачи на собир пред Уставниот суд, каде на дневен ред е иницијативата за член од Законот за банки

Џамбазов одговори на обвинувањата: Да се сите криминалци како мене, кај ќе ни беше крајот

Жарко Настоски

Оштетени штедачи: Фирма на Игор Џамбазов зела неповратен кредит од Еуростандард банка

Ана Ололовска

Костовски бара оставка од Антикорупциска, не покажала интерес и не отворила предмет за Еуростандард банка

Ана Ололовска

Здружението на оштетени штедачи од Еуростандард банка: Уставниот суд да се апстрахира од политички влијанија

Ана Ололовска

Костовски: Лицата кои се под истрага за Еуростандард банка да се идентификуваат со име и презиме

Жарко Настоски