Оризари од Кочанско го блокираа патот кон Штип, бараат субвенции за предадената арпа

Од:

Земјоделците од кочанскиот регион денеска повторно излегоа на протест и во селото Облешево со земјоделска механизација ја блокираа едната коловозна лента на магистралниот пат кон Штип. Беше истакнато барањето до Владата да го исполни ветувањето за исплата на субвенциите за предадената оризова арпа од минатогодишната реколта.

– За две недели ќе почне новата жетва на оризот, а ние се уште не сме ја добиле ветената субвенција од пет денари за килограм арпа за минатогодишните количини што ги предадовме кај откупувачите. Во декември, додека траше рокот за субвенционирање, откупната цена беше околу 13 денари за килограм арпа, а потоа скокна и до 30 денари. Изгубивме уште во старт, а потоа чекавме на дополнителната мерка за поддршка од државата што до денеска не ни е исплатена, па бележиме уште една загуба. Бараме исплатата да се реализира веднаш, па дури ако треба и Собранието нека одржи вонредна седница за да расправа за неповолната состојба во земјоделството, рече Стојче Ташковски, земјоделец од Чешиново.

На протестот оризарите побараа и навреме да се одреди минималната откупна цена на арпата за да можат да направат пресметка дали ќе имаат некаква добивка од произведеното.

– Со ребалансот на Буџетот предвидени се пари за лозарите, а колку што сме информирани, нас оризопроизводителите нè нема на списокот. Нека ја запазат барем едната мерка за субвенции, затоа што ниту за засеана површина ги немаме добиено парите, ниту пак за предадената арпа. Бараме министерот за земјоделство да дојде кај нас за да видиме колку ќе биде откупната цена, затоа што нас производната цена ни е 17 денари од килограм арпа. Ако не биде 25 денари, мислам дека нема што да бараме, ќе ги напуштиме нивите, а и оние малкумина млади што останаа ќе заминат во странство, рече Здравко Арсов, земјоделец од Облешево.

Земјоделците од кочанскиот регион рекоа дека денешната едночасовна блокада на патот Кочани-Штип е само предупредување до ресорното Министерство што побрзо да ги исплати субвенциите, а во спротивно најавија целосна блокада на коловозот.

Би можело да ве интересира

Трипуновски обвинува дека Димковски дели земјоделско земјиште спротивно на законот

Ана Ололовска

Одобрени средства за субвенционирање на бесплатниот градски превоз за редовните студенти

Драган Поповски

(ВИДЕО) Николовски: Со дополнителната субвенција за предадено грозје, исплативме над 1 милион евра кон 6.240 лозари

Драган Поповски

(ВИДЕО) Заев во посета на Тиквешкиот регион: Низ конкретни мерки се грижиме за лозарите

Драган Поповски

Спасовски во посета на Тиквешијата: Владата го реши наследениот проблем на лозарите со долгот и обезбеди нови повисоки субвенции

Драган Поповски

Бабовски: Навреме исплатуваме субвенции, така ќе продолжиме

Ана Ололовска