Организација за економска соработка и развој: Глобалната економија се опоравува побрзо отколку што се очекуваше

Од:

Глобалната економија се опоравува од падот предизвикан од епидемијата на новиот коронавирус побрзо отколку што се очекуваше пред само неколку месеци, благодарение на подобрените изгледи за Кина и САД, соопшти денеска Организацијата за економска соработка и развој (ОЕЦД).

Светската економија е на пат за пад од 4,5 проценти оваа година, што е сепак невиден пад во поновата историја, но помалку од првично предвидениот пад од 6,0 проценти во јуни, според ОЕЦД.

Под услов да нема неконтролирано ширење на вирусот Ковид-19, глобалната економија следната година ќе порасне за 5,0 проценти, проценува организацијата со седиште во Париз, намалувајќи ја јунската проекција на раст од 5,2 проценти во 2021 година.

Од друга страна, посилното разгорување на вирусот или построгите мерки за контрола може да ги намали предвидените нивоа за следната година за два до три процентни поени, предупредува ОЕЦД.

Во извештајот се забележува дека предвидувањата на ОЕЦД се засноваат на континуирана локализирани налети на епидемијата за што ќе бидат потребни локални активности, а не на национално ниво.

Исто така се претпоставува дека вакцината нема да биде широко достапна до крајот на следната година.

Би можело да ве интересира

Пандемијата не стивнува: досега 31.3 милиони заразени, 966.000 починати

А1он

Повеќе од 560 големи светски компании бараат итни мерми за заштита на природата

Ана Ололовска

Чомски: Ова е најопасниот момент во историјата на човештвото

Ана Ололовска

ОН: Зголемена несигурноста во обезбедување храна во четири држави во светот

Ана Ололовска

Голем економски пад на членките на ОЕЦД

Ана Ололовска

Во светот над 20 милиони заразени од почетокот на пандемијата

А1он