Огласувачите да ги зголемат буџетите за дигиталните издавачи во Македонија

Од:

Претседателот на ИАБ Македонија, Борис Ефтимовски, ги повика најголемите огласувачи во Македонија во своите буџети за реклама за наредната година да го зголемат делот предвиден за огласување преку домашните веб-портали.

„Очекуваме од домашните компании и медиумски агенции во своите буџети за наредната 2019 година да издвојат поголем дел за дигиталните издавачи и македонски веб-портали, пропорционално на импактот што тие го имаат во секојдневието на македонските граѓани“ – вели Ефтимовски и надополнува: „Просто неверојатно звучи податокот дека третата најголема национална телевизија има поголеми приходи од водечките 30 македонски веб-портали заедно. Овој сооднос помеѓу огласувањето на двата водечки канала, телевизијата и интернетот, е неприфатлив и целосно не одговара на улогата што веб-порталите ја имаат во општеството во делот на информирање, едукација, забава и во севкупното поминато време на медиумско консумирање“.

Според него, огласувачите треба дополнително да го поддржат развојот на квалитетните веб-портали во Македонија и процесот на саморегулација, преку поголема застапеност на веб-медиумите што го прифаќаат Етичкиот кодекс на ИАБ во своите медиумски планови.

ИАБ Македонија е дел од интернационалната мрежа IAB Worldwide со седиште во Њујорк, која претставува најголема глобална мрежа што ги обединува медиумите, маркетинг-агенциите и огласувачите со цел развој на онлајн огласувањето.

Би можело да ве интересира

Собранието го донесе Законот за медиуми и други закони

Горан Наумовски

Главна цел на измените на Законот за медиуми треба да биде законската регулација на интернет порталите

Ковачевски: Им се извинувам на медиумите, не сакам да се им се случи она што се случуваше до 2016

Орце Костов

Истражување: Над половина медиумски работници имаат потпросечни плати, во онлајн-медиумите секој трет е пријавен со полно работно време

ВМРО ДПМНЕ ќе предложи амандман за ослободување од социјално и здравствено осигурување на медиумските работници

Катерина Ѓуровски

Промовиран Водич за интегритет на медиумите: Испреплетеноста на медиумската сопственост со уредништвото предизвикува сериозна загриженост околу новинарската независност