Офват: Сè повеќе луѓе во Англија и Велс тешко ги подмируваат сметките за вода

Од:

Сè повеќе луѓе во Англија и Велс тешко ги подмируваат сметките за вода, а нивниот број се зголемил за 33 отсто од мај, бидејќи зголемените животни трошоци го оптоваруваат домашниот буџет, предупреди регулаторот Офват.

Истражувањето на консултантската фирма Саванта покажа дека процентот на граѓани кои се жалат на проблеми со плаќањето на сметките се зголемил на 20 отсто, во однос на 15 отсто во мај, предупреди регулаторот за водни услуги во Англија и Велс.

Во истражувањето учествувале 2.328 корисници на водоснабдителни услуги, а спроведено е од 4. до 13 октомври.

Две третини од граѓаните кои учествувале во анкетата очекуваат нивната состојба да се влоши во следната година, додаваат од регулаторот.

Анкетата покажа и дека сметките за енергија и натаму се најголемиот проблем за граѓаните.

Така, 37 отсто од нив се пожалиле дека им е тешко да ги платат сметките за гас, наспроти 29 отсто во мај. Проблеми со плаќањето на сметките за струја имаат 35 отсто од испитаниците, додека во мај биле 27 отсто.

Меѓу оние кои имале проблеми со плаќањето на комуналиите, секој трет рекол дека мора да позајмува пари од пријателите или семејството, 17 отсто користеле кредитни картички, а 13 отсто подигнале краткорочен заем.

Инфлацијата на потрошувачките цени во Велика Британија, главно поттикната од зголемените цени на енергијата и недостигот на работна сила, во октомври го достигна максимумот од 11,1 отсто во 41- годишен период.

Извор: МИА

Би можело да ве интересира

Украинските војници на обука за управување тенкови во Велика Британија

Британскиот премиер го разреши претседателот на владејачката Конзервативна партија поради кршење на министерскиот кодекс

Ана Ололовска

Иран воведе нови санкции против ЕУ и Велика Британија

Ана Ололовска

Лами: Не сакаме назад во ЕУ, но повторно ќе се поврземе

Ана Ололовска

Британскиот Врховен суд ја отфрли тужбата на Ујгурите против британската Влада

А1он

Маж и жена од Британија ги изгладнувале децата и ги туширале со врела вода

Ана Ололовска