Новоформираните тутунски здруженија реагираат: Остана неоткупен тутун, субвенции нема

Од:

Има неоткупен тутун во целата држава, не знаеме како ќе бидеме обесштетени со КОВИД-мерките, а на прагот на новата реколта сме без субвенции и ја почнавме на вересија, реагираат денеска четирите новоформирани тутунски здруженија.

Според координаторот на здруженијата, Игор Мирчески, производителите не се согласуваат со тоа што го кажал премиерот на собраниската говорница.

-Во целава држава останаа околу 1000 тони неоткупен тутун. И не само во Долненско и Прилепско. Годинава не се исплатени субвенциите во април. Новата реколта тутунарите првпат ја почнаа без субвенции, на вересија и со зголемени трошоци во просек за 30 отсто поради зголемените цени на нафтата, ѓубривата и на препаратите. Не знаеме на каков начин тутунарите ќе се исплатат од петтиот КОВИД-пакет. Не може да се достигне цена за тутунот од 185 денари, како што ни беше ветено и најавено, со по 10 денари од КОВИД-пакетот и со просечната цена од 159 денари за килограм, изјави Мирчески.

Новоформираните здруженија бараат во решавањето на состојбите активно да се вклучи и Сојузот на земјоделските здруженија.

Би можело да ве интересира

Бектеши: За уште 35 денари се зголемува откупната цена на тутунот, носиме одлуки во интерес на тутунарите

Откупувачите ги потпишаа анексите со зголемена цена на тутунот, откупот веднаш се интензивираше

Николовски: Тутунарите утре добиваат анекси на договорите, со зголемена цена од 365 денари на целокупната предадена количина тутун

Земјоделски инспекторат: Тутунарите да не прифаќаат усни најави, откупувачите да испратат писмени анекси за зголемени откупни цени на тутунот

Во Прилеп се очекува да се интензивира откупот на тутунот

За тутунарите дополнителни 20 – 30 денари субвенција, а од 2024 година и „зелена нафта“, како и 6.000 денари поддршка за хектар површина