„НЛБ банка“ воведе најсовремен начин на плаќање – NLB Pay мобилен паричник

Од:

„НЛБ банка“ денеска ја промовира новата услуга, NLB Pay мобилен паричник, која овозможува бесконтактно плаќање на продажните места преку мобилен телефон. NLB Pay е уште една современа дигитална услуга на банката, која е лесна за користење, безбедна и овозможува брзи и едноставни плаќања.

dobivaj vesti na viber

Со воведувањето на оваа услуга, „НЛБ банка“ продолжува да ги следи светските трендови на поедноставување и приближување на банкарските услуги кон своите клиенти. Мобилните банкарски услуги со својата достапност, едноставност, брзина и безбедност при користењето, на клиентите им овозможуваат заштеда на време и средства и им даваат можност да ги завршат своите банкарски обврски 24 часа на ден, седум дена во неделата.

NLB Pay е услуга наменета за физички лица, корисници на Mastercard платежните картички, кои поседуваат мобилен уред со Andorid оперативен систем. NLB Pay мобилниот паричник ги дигитализира Mastercard картичките и со тоа овозможува плаќање на бесконтактни ПОС-терминали во земјата и странство. Клиентите можат да ја активираат оваа услуга самостојно, без потреба од посета на експозитура. NLB Pay паричникот не само што ќе го поедностави плаќањето за физички лица туку ќе придонесе и за побрзо и поедноставно спроведување на наплатата во малопродажба, што сметаме дека е исклучително важно за Retail бизнисите и продажните места генерално.

„Со оглед на тоа дека мобилниот телефон е уред кој секогаш го носиме со нас и по навика не го испуштаме од рака, убеден сум дека нашата нова услуга, NLB Pay мобилниот паричник, дополнително ќе ги олесни плаќањата што ги вршат нашите клиенти. Плаќањата се извршуваат преку мобилниот телефон, без потреба од физичко користење на платежните картички, со што мобилниот телефон се претвора во виртуелен паричник“, изјави Антонио Аргир, претседател на Управниот одбор на „НЛБ банка“ АД Скопје.

NLB Pay апликацијата е достапна за преземање од Google Play store. Активирањето на апликацијата, дигитализацијата на картичките и користењето на NLB Pay мобилниот паричник е бесплатно.

Би можело да ве интересира

НЛБ Банка со нова кредитна линија за поддршка на конкурентноста на правните лица

А1он

НЛБ Банка со повик за ажурирање на податоците на клиентите со цел навремена достава на платежните картички

Ана Ололовска

Ограбувачот на НЛБ успеал да украде над 8 илјади евра

А1он

Во грабежот во НЛБ Банка во Сарај украдени 115 илјади евра

Татјана Ташкова

Вооружен грабеж во НЛБ Банка во Сарај

Ана Ололовска

НЛБ Банка воведе нов Брз потрошувачки кредит