Невработеноста во ЕУ 7,5 отсто, во еврозоната 8,3 отсто

Од:

Стапката на невработеност во еврозоната во декември остана стабилна, 8,3 проценти, споредбено со претходниот месец, покажуваат сезонски прилагодените податоци, додека значително е зголемена во споредба со декември 2019 година, кога беше 7, 4 проценти, соопшти денеска Бирото за статистика на ЕУ, Евростат.

На ниво на цела ЕУ, стапката на невработеност во декември беше 7,5 проценти, што, исто така, е непроменета во однос на ноември, но значително поголема од 6,5-те проценти во декември 2019 година, соопшти Евростат.

Според статистичарите, во декември во Европската унија имало 16 милиони невработени мажи и жени, од кои 13,67 милиони во еврозоната.

Во споредба со декември 2019 година, бројот на невработени во Унијата е зголемен за 1,95 милион лица, а во еврозоната за 1,51 милион.

Кога станува збор за младите лица на возраст под 25 години, стапката на невработеност во ЕУ во декември се зголеми на 17,8 проценти од 17,5 проценти една година претходно, а во истиот период еврозоната се зголеми од 18,1 на 18,5 проценти.

Во ЕУ 3,13 милиони млади луѓе во декември беа невработени, од кои 2,59 милиони во еврозоната.

Би можело да ве интересира

Ахмети: Александар Дугин, главата на руските политики има партија во Македонија

Нови промени за сообраќајните казни во ЕУ: Никој веќе нема да може да ги избегне

ЕУ постигна привремена спогодба за нови правила за трговија со огнено оружје

СДСМ: ЕУ е единствен патоказ за подобра македонска иднина

А1он

Европската Комисија ќе обезбеди општи рамковни услови за почеток на преговорите со Украина за пристапување во ЕУ

ЕУ за А1он: Измените на Законот за игри на среќа не упатуваат ниту на ограниченото европското законодавство

Александар Тодески