НБ: Депозитите сигурни, во вакви околности најбезбедни се во банките

Од:

Депозитите на граѓаните во банките се сигурни и не постои простор за загриженост, а прогласувањето на вонредната состојба не подразбира промени во процесот на банкарското работење, порачуваат од Народната банка.

Оттаму велат дека заштедите во вакви околности се најбезбедни во банките и штедилниците и го имаат истиот статус како пред прогласувањето на вонредната состојба.

Појаснуваат дека и во вонредна состојба, за депозитите се пресметува и добива камата, во согласност со договорот што клиентот го има со банката или штедилница, како што важат и сите други договорни одредби.

-Не постои простор за загриженост – како што веќе укажавме, и во периодот на вонредната состојба, депозитите ќе им бидат достапни на граѓаните и фирмите, како и претходно, истакнуваат од Народната банка.

Потсетуват дека и сите други услуги што ги нудат банките и штедилниците, на граѓаните и фирмите им се достапни додека трае вонредната состојба. -Работата на финансиските институции за кои Народната банка е надлежен регулаторен и супервизорски орган го задржува својот континуитет и во овие привремено променети околности, оценуваат од централната банка и истакнуваат дека платниот промет се одвива непречено.

Укажуваат дека користењето на готовината во овој период е опасно по здравјето и апелираат плаќањата да се вршат со платежни картички или преку сервисите за електронско и мобилно банкарство.

Би можело да ве интересира

Еуростандард Банка воведува нов поволен потрошувачки кредит наменет за здравствените работници

Ана Ололовска

ТТК Банка АД Скопје однапред плати аконтации за данок на добивка за 2020 година во износ од 10,5 милиони денари

Ана Ололовска

До денеска одговор од банките по барањето за интерес за заем од 400 милиони евра до еврообврзницата

Ана Ололовска

(ВИДЕО) Ангеловска: Каматите на кредитите не може да бидат опростени или укинати, банкарскиот систем мора да функционира

Маја Илиевска-Пачемска

Стопанска банка со понуда за одложување на отплатите до шест месеци

Ана Ололовска

Одлагање на отплатата на кредитите до 30 септември, понудија банките, поволностите наменети за оние кои не можат да подмируваат обврски

Ана Ололовска