Народна банка: Потврдениот кредитен рејтинг од „Стандард и Пурс“ ја акцентира и стабилноста и ликвидноста на банкарскиот систем

Од:

Во новиот Извештај на Агенцијата „Стандард и Пурс“ со кој таа го потврди кредитниот рејтинг на нашата земја „ББ-“, со стабилен изглед, одделно внимание е посветено и на монетарната политика, надворешната позиција на економијата како битен сегмент при водењето политика на стабилен девизен курс, како и на состојбата во банкарскиот систем, соопшти Народната банка на РС Македонија.

-Во однос на монетaрната политика, „Стандард и Пурс“ повторно посочуваат на поголемиот простор што го има таа, во услови кога степенот на евроизација е понизок во однос на другите економии во регионот. Воедно, во извештајот се нагласуваат и мерките на Народната банка, како што е пониската задолжителна резерва за обврските на банките деноминирани во денари, што придонесува за намалување на вкупната евроизација. Во однос на надворешниот сектор, агенцијата за рејтинг за следниот период оценува умерен дефицит на тековната сметка, финансиран преку приливи од странски директни инвестиции, како дополнителна поддршка на девизните резерви, се наведува во соопштението од Народна банка.

Како и во досегашните извештаи, посебен акцент, се додава, е ставен на банкарскиот систем, со укажување на неговата стабилност, ликвидност, ниското ниво на нефункционални пласмани, како и потпирањето главно на домашните депозити за финансирање на кредитната активност. Во вакви услови, агенцијата во своите проекции за следниот период очекува понатамошен кредитен раст, како поддршка на економската активност.

Би можело да ве интересира

Просечната каматна стапка на вкупните кредити во јануари зголемена, кај депозитите намалување на месечно ниво

Девизните резрви на крајот на јануари 4,33 милијарди евра

Преку проект на Светската банка ќе се модернизираат и ќе се поврзуваат платните системи на Западен Балкан

НБРМ: Основната каматна стапка се задржува на нивото од 6,30%

Народна банка: ЕЦБ ја продолжи можноста за пристап до репо-линијата за уште една година

ММФ: Доброто водење на монетарната политика придонесе кон намалување на инфлацијата

Горан Наумовски