Народна банка: Девизниот курс на денарот е стабилен

Од:

Народната банка ги демантира информациите објавени на некои портали и на социјалните мрежи дека е покачен курсот на еврото. Девизниот курс на денарот е стабилен и нема промени во неговото ниво, велат од централната банка.

– Во објавите се прави забуна помеѓу курсната листа за вршење на платен промет со странство за потребите на државните органи, со средниот курс кој е релевантен податок за вредноста на валутите. Средниот курс на еврото според курсната листа на Народната банка изнесува 61,69 денари и истиот е непроменет во однос на лани, потенцираат од Народната банка.

На веб страницата на Народната банка https://www.nbrm.mk/kursna_lista.nspx секојдневно се објавуваат овие податоци и тие се единствениот релевантен извор на информации за девизниот курс на домашната валута.

– Народната банка располага со низа инструменти со коишто ја гарантира стабилноста на денарот во однос на еврото. Девизните резерви коишто се клучни за одржување на стабилноста на курсот на домашната валута се на високо ниво – двојно повисоко од пред глобалната економска криза во 2008 година, нагласуваат од централната банка.

Би можело да ве интересира

20 години од воведувањето на еврото

Курсот на еврото повторно е под прагот од 1,13 долари

Ана Ололовска

Еврото се задржа до прагот од 1,13 долари

Народната банка сѐ повеќе ги отвора вратите за модернизација на платежниот пејзаж

Ана Ололовска

Пендаровски – Ангеловска Бежоска: Успешно се одржува макроекономската стабилност, економијата постепено закрепнува

А1он

Народната банка објави повик за пријавување трудови за 41. сесија на Клубот на истражувачите

Ана Ололовска