Нафтата падна на 86 долари поради планот за ограничувањето на цената на руската нафта

Од:

Цените на суровата нафта денеска паднаа под 86 долари на меѓународните пазари под влијание на информациите дека ценовната граница на руската нафта планирана од групата Г7 треба да биде повисока од нејзината моментална пазарна цена.

dobivaj vesti na viber

На лондонскиот пазар цената на барелот по пладне беше за 2,82 долари пониска од вчерашното затворање на тргувањето и изнесуваше 85,54 долари. На американскиот пазар барелот се тргуваше по пониска цена од 2,62 долари, од 78,33 долари.

Денеска пазарот се фокусираше на информациите дека „лимитот за цената на руската нафта на состанокот на Г7 може да се постави над нивото на кое таа моментално се тргува“, изјави Џовани Стауново од UBS.

Групата од седум најразвиени земји во светот сака да ја ограничи цената на барел руска нафта испорачана со бродови во опсег од 65-70 долари, изјави неименуван европски претставник.

На северозападниот европски пазар барел руска нафта од Урал моментално изнесува 62 до 63 долари, а на медитеранскиот пазар околу 67 до 68 долари, покажуваат податоците на Рефинитив.

Висок функционер на американското Министерство за финансии вчера изјави дека лимитот најверојатно ќе се коригира неколку пати годишно.

Информациите се поврзани со загриженоста за побарувачката во најголемиот увозник на сурова нафта, Кина, поради новиот бран на инфекции со Ковид-19. Шангај ги заостри мерките за борба против Ковид доцна во вторникот навечер.

Тежина е и оценката на Организацијата за економска соработка и развој (ОЕЦД) дека растот на светската економија треба силно да забави во следната година.

„Добрата вест е што ОЕЦД не предвидува глобална рецесија“, рече аналитичарот Тамас Варга од PVM Oil Associates.

Вниманието на пазарот сега е свртено кон вечерашното објавување на записниците од ноемврискиот состанок на американската централна банка, барајќи навестувања за можен пад на активноста или дополнително зголемување на каматните стапки, рече Варга.

Во посебен извештај, Организацијата на земјите извознички на нафта (ОПЕК) објави дека цената на барел од нафтената кошничка на нејзините членки во вторникот пораснала за 2,02 долари, на 86,20 долари.

Би можело да ве интересира

Г7 се согласи да ги координира истрагите за воените злосторства во Украина

Горан Наумовски

Путин: Ограничувањето на цената на руската нафта ќе има тешки последици

Несогласување во ЕУ, уште нема договор за горната граница на цената на руската нафта

Земјите од Г7 сакаат да ја ограничат цената на руската нафта

А1он

Аналитичари: Европа забрзано ги полни складиштата со руска нафта пред почетокот на забраната за увоз

А1он

Видодо: Доколку дозволи ситуацијата, Путин ќе присуствува на Самитот на Г20

А1он