На ФЕИТ ќе биде отворена прва лабораторија за тестирање на 5Г

Од:

По повод Светскиот ден на телекомуникациите – 17 мај, денеска на Факултетот за електротехника и информациски технологии (ФЕИТ) ќе биде отворена првата лабораторија за тестирање на 5G технологијата „5G evolution laboratory”.

Во оваа лабораторија преку партнерството на ФЕИТ и Македонски Телеком, во иднина ќе се вршат и реални 5G тестирања.

Воведувањето на 5Г технологијата во државава ќе се одвива според најавениот национален оперативен план за развој на брзи и супер брзи електронски комуникациски мрежи. Клучни придобивки од 5Г технологијата се: значително поголема брзина на податочните услуги, промени во начинот на користење интернет, нови продукти од мобилните мрежи на операторите, намалување на бројот на семејства во т.н „бели зони“ – подрачја на кои не постои можност за широкопојасен пристап, а има потенцијал за користење.

Во септември лани Македонски Телеком го реализираше првото 5G демо во државава, како чекор кон воведувањето на оваа технологија, што треба да овозможи технолошки напредок на општеството и многу нови функционалности за корисниците. Првпат во регионот, беше измерена брзина преку мобилната мрежа, која е за над четири пати поголема од брзините на пренос на податоци на 4G мрежата.

Во Европа 5G технологијата ќе почне да се имплементира од 2020 година, а со сите нејзини напредни функционалности по 2025 година.

На отворањето на лабораторијата се најавени обраќања на деканот на ФЕИТ Димитар Ташковски, Лилјана Гавриловска, редовен професор на ФЕИТ, раководител на WINGroup, на CWNC и на новата 5G evolution лабораторија и Никола Љушев, главен извршен директор на Македонски Телеком.

Би можело да ве интересира

Пекинг со критики до САД поради противењето на кинеската 5Г технологија

Истражување на Ф2Н2 – Се што сакате да знаете за 5Г технологијата

Ана Ололовска

Отворена Третата меѓународна конференција BalkanCom 2019 посветена на 5G технологијата

Ана Ололовска

Дебата во ЕУ за ризиците од 5Г технологијата врз легалното прислушкување

Ана Ололовска

На ФЕИТ ќе се тестираат 5Г мобилни технологии и системи

Ана Ололовска

Пуштена 5Г мрежа во седум кинески градови

Ана Ололовска