МТСП: Обезбедени дополнителни 284,9 милиони денари за нови 1.216 вработувања преку Оперативниот план за вработување

Од:

Министерството за труд и социјална политика известува дека обезбедило дополнителни 284,9 милиони денари за нови 1.216 вработувања, кои велат ќе бидат реализирани преку Оперативниот план на активни програми и мерки за вработување.

dobivaj vesti na viber

– Владата на Република Северна Македонија на вчерашната седница на предлог на Министерството за труд и социјална политика, го разгледа и прифати ревидираниот Оперативниот план за активни програми и мерки за вработување и услуги на пазарот на трудот за 2021 година. Во ревидираниот Оперативен План се имплементирани дополнителните средства во износ од 284.960.000 денари, обезбедени со Буџетот на Република Северна Македонија. Целта е да се зајакне пристапот до активните политики за пазарот на труд, особено за нискоквалификувани невработени лица и лица од ранливите категории. Ова е предвидено со Акциски план за реализација на препораките од заедничките заклучоци од Економско – финансискиот дијалог од јули 2021 година, соопштува МТСП.

„Од вкупно предвидените средства, 36.900.000 денари се наменети за Програмата 1, односно за поддршка за самовработување (претприемништво) за дополнителни 115 самовработувања; 153.750.000 денари за мерката за субвенционирање на плати со што ќе бидат дополнително опфатени 674 невработени лица.

Обезбедени се средства и за имплементација на новата пилот мерка за субвенционирање на плати во текстилниот сектор за 300 невработени лица во висина од 73.800.000 денари, како и 15.289.200 денари за мерката вработување и раст на правни субјекти за 127 дополнителни вработувања.

Со овие измени и дополнувањата во Оперативниот план за активни програми и мерки за вработување и услуги на пазарот на трудот обезбедуваме вработување на нови 1.216 невработени лица, преку програмите за вработување.

Министерството за труд и социјална политика со своите стратешки приоритети и цели во континуитет креира и имплементира ефикасни политики на социјална инклузија и политики за вработување. Целта е да се обезбеди подобар и побрз пристап на различни ранливи категории на невработени лица на пазарот на трудот во Република Северна Македонија.

Со Оперативниот план во 2021 година се опфатија околу 12 илјади невработени лица, преку 8 различни видови на програми во рамките на кои се содржани и одделни мерки.

До ноември реализирани се 85% од Оперативниот план за 2021 година и во наредниот период ќе се интензивира неговата имплементација“, се вели во соопштението на Министерството за труд и социјална политика.

Би можело да ве интересира

Тренчевска: Живеењето со поддршка е вистински исчекор кон почитување на човековите права на лицата со попреченост, отворени две нови станбени единици во Демир Капија

Ана Ололовска

Тренчевска: Со заедничка работа на институциите до поуспешни резултати во борбата против насилството

Горан Наумовски

(ВИДЕО) Тренчевска: Новата апликација Bebbo нуди практични совети за правилен развој на децата

Ана Ололовска

МТСП: Во тек е етапната исплата на јунските пензии

Ана Ололовска

Тренчевска: Граѓанскиот сектор е наш партнер во унапредувањето на социјалните услуги

Ана Ололовска

МТСП: В понеделник почнува исплатата на мајските пензии, со дополнителни 1000 денари финансиска поддршка

Ана Ололовска