ММФ: Руската економија ги поднесува санкциите многу подобро од очекуваното

Од:

Економијата на Русија е во подобра состојба од очекуваното по санкциите, соопшти ММФ. И покрај санкциите на Западот наметнати на Москва по инвазијата на Украина, руската економија се чини дека се справува подобро од очекуваното бидејќи има корист од високите цени на енергенсите.

Санкциите имаа за цел да ја изолираат Русија од глобалниот финансиски систем и да ги задушат средствата со кои располага Москва за финансирање на војната.

Но, најновиот извештај на ММФ за светската економија ја зголеми проценката за бруто домашниот производ (БДП) на Русија за оваа година за неверојатни 2,5%, иако економијата сè уште се очекува да се намали за 6%.

„Сè уште е прилично голема рецесија во Русија во 2022 година“, изјави за АФП главниот економист на ММФ, Пјер-Оливие Гуриншас.

Тој објасни клучна причина зошто падот не бил толку лош како што се очекуваше:

„Руската централна банка и руските креатори на политиката успеаја да спречат банкарска паника или финансиски колапс кога првпат беа воведени санкциите, иако зголемените цени на енергенсите обезбедуваат огромен приход за руската економија“, рече тој.

Откако ја почна годината под 80 долари за барел, цената на нафтата скокна на речиси 129 долари во март, пред да се спушти под 105 долари денеска, додека цените на природниот гас повторно растат и се приближуваат до неодамнешните највисоки нивоа.

Би можело да ве интересира

Европската унија се подготвува да воведе санкции за рускто жито

ЕУ го одобри 13. пакет санкции против Русија

Горан Наумовски

МФ: ММФ го објави извештајот од Мисијата за член IV и ПЛЛ – Економијата зајакнува поттикната од јавните инвестиции, инфлацијата се намалува, се остваруваат фискалните цели

ММФ: Доброто водење на монетарната политика придонесе кон намалување на инфлацијата

Горан Наумовски

ММФ: Македонската економија се опоравува, од суштинска важност намалување на емиграцијата и поттикнување на продуктивноста

Грците го прекинаа транспортот на руска нафта

Катерина Ѓуровски