МИОА контра КСС: Трансферот од јавен во приватен сектор ќе биде доброволен процес

Од:

Трансферот на вработени од јавниот во приватниот сектор ќе биде исклучиво доброволен процес, никој вработен нема да биде принуден на тоа, потенцира Министерството за информатичко општество и администрација во реакцијата на денешната прес-конференција на Конфедерацијата на слободни синдикати (КСС).

Обвинувањата од КСС изнесени на прес-конференцијата, според МИОА се неосновани и не се поткрепени со конкретни докази и примери. Тие, како што се наведува во реакцијата, се дел од политизирањето на процесот од страна на КСС во овој предизборен период.

– Со оглед на предизборниот период, сите можности за казни, трансфери, награди… не се активни, што значи дека ова обвинување за притисоци и закани не може никако да се поткрепи со примери од секојдневното работење на институциите. Дополнително, зборуваат за поврзаност на трансферот од јавен во приватен сектор со наводни постапки за дисциплински престап, кои секако се забранети во овој период. Трансферот се уште не е отпочнат низ конкретно предвиден процес, а за утврдување на условите и начинот на којшто ќе се спроведува се разговара со сите засегнати страни, вклучително и со синдикатите за што КСС се свесни и се во тек. Разговорите ќе продолжат да бидат инклузивни и одлуката ќе се донеси заеднички, нагласуваат од МИОА.

За МИОА нелогични се и обвинувањата дека анкетните листови се користат како механизам за притисоци и уцени затоа што анкетниот лист е менаџерска алатка за оптимизација на кадри за ефективна и професионална јавна администрација и не се поврзани со вработувањата во јавната администрација.

– Анкетниот лист не е дискрециско право на раководителот и тој не може паушално и самоволно да го пополнува. На тој процес секако претходи спроведена функционална анализа и годишно планирање за вработување, велат од МИОА, додавајќи дека очигледно КСС е единствениот синдикат кој е против покачување на платите во јавната администрација штом ги критикува потпишаните колективни договори.

Би можело да ве интересира

(ВИДЕО) КСС: Ќе ги преземеме сите легитимни мерки доколку не престанат притисоците врз синдикатот и членовите на синдикатот

Ана Ололовска

Целата администрација да се врати на работа од 1 февруари, предлага МИОА

Ана Ололовска

Реорганизацијата на државните органи клучна реформа за подобрување на јавната администрација

Ана Ололовска

Шаќири: Ќе се раскинат договорите со вработените по Рамковен ако двапати одбијат опција за ангжаман

Ана Ололовска

КСС: Недела неработен ден без правење хаос во Законот за работни односи

Ана Ололовска

КСС: Недела ден за одмор и 50 отсто поголема дневница за оние што ќе работат, се друго ќе биде дискриминирање и селектирање

Ана Ололовска