Министерот Хоџа очекува решение од денешната средба со тутунарите и откупувачите

Од:

Министерот за земјоделство, шумарство и водостопанство, Арјанит Хоџа очекува решение и позитивен исход од денешниот состанок со тутунарите и откупувачите закажан за 15 часот.

Хоџа оцени дека во однос на откупот има две вистини.

-Треба да ја најдеме средината на една вистина и мислам дека ќе има поместување, изјави Хоџа по промоцијата на велосипедско-пешачката патека од село Ваташа до Моклиште во Општина Кавадарци.

Министерот повтори дека има огромно разбирање за барањата на производителите, но воедно потсети и дека им ги посочил своите забелешки за нивниот пристап при предавањето на тутунот.

-Не би сакал пред состанокот да го кажувам тоа што имам намера да го кажам на состанокот со тутунарите и откупувачите, да давам дополнителни изјави кои би можеле да се преиначат на друг начин. Можам да кажам една работа, дека имавме договор од петокот дека до денеска треба да направиме пресек како се одвива откупот, но бидејќи во понеделникот откупот лошо почна од страна на откупувачите, ние повторно на состанокот со производителите во вторникот одлучивме паралелно да тече откупот за да имаме пресек и да знаеме како точно се одвива, а тие да ги продолжат протестите. Очекувам денеска дека ќе имаме некакво решение како треба да се одвива целиот процес, очекуваме позитивни резултати, но не би сакал од сега да прејудуцирам бидејќи во 15 часот треба да се видиме и не би било. Во секој случај, очекувам добар состонок од кој ќе произлезат заклучоци што понатаму, напомена Хоџа.

Би можело да ве интересира

МЗШВ: Со измените во Законот за стокови резерви, оризовата арпа се вбројува во листата на стратешки култури за државата

МЗШВ: Ништо ново од Трипуновски, лаги и измислици наместо проекти и визија за земјоделците

Горан Наумовски

Кривична пријава за несовесно работење во службата против двајца членови на комисија во МЗШВ

МЗШВ: Повик до откупувачите на сончоглед да достават податоци за извршениот откуп

МЗШВ: Земјоделците од Свети Николе со силна поддршка на решението за продолжување на договорите што го понудивме

МЗШВ: Блокадите на Трипуновски и ВМРО-ДПМНЕ оставаат 200 земјоделски стопанства без субвениции