Минималната потрошувачка кошничка повисока од просечната плата

Од:

Минималната потрошувачка кошничка во февруари изнесувала 33.702 денари што значи дека толку пари му биле потребни на едно четиричлено семејство за да ги подмири основните месечни потреби.

Во споредба со просечната плата исплатена во декември како последен објавен официјален податок од Државниот завод за статистика, минималната потрошувачка кошничка е за речиси 5.500 денари повисока.

Најмногу пари или 14.078 денари биле потребни за храна и пијалаци, 10.825 денари за потребите во домот и 2. 478 денари за превоз, покажуваат податоците од Сојузот на синдикати на Македонија, кој секој месец ја пресметува вредноста на минималната синдикална кошничка. За обувки и облека биле потребни минимум 2.131 денар, а за културни активности само 1.067 денари.

Од ССМ неодамна посочија дека просечната плата покрива околу 70 проценти од синдикалната кошничка. Поради тоа, бараат со растот на просечната плата, да расте и минималната плата. Заложба на ССМ е минималната плата да порасне на 60 проценти од просечната плата што, според синдикатот, е пракса во европските држави.

Би можело да ве интересира

Лани поднесени обвиненија за половина од примените пријави за злоупотреба на лични податоци

Александар Тодески

Негативен природен прираст во 2022 година

А1он

Зголемен бројот на туристи

Угостителските услуги поскапи за 13,4 отсто во однос на лани

Горан Наумовски

Бугарите и Македонците живеат најкратко во регионот

Ана Ололовска

ДЗС: Намален бројот на доктори на науки и на магистри во 2022 во споредба со претходната година

Ана Ололовска