Михајловиќ – Бектеши: Унапредување на соработката меѓу Србија и Македонија во енергетиката, во план изградба на гасна интерконекција

Од:

Потпретседателката на Владата на Србија и министер за рударство и енергетика, Зорана Михајловиќ и министерот за економија на Северна Македонија, Крешник Бектеши, денеска во Белград имаа разговори за соработката меѓу двете министерства во областа на енергетиката, енергетската безбедност и за нови проекти, јави дописникот на МИА од Белград.

На средбата Бектеши посочи дека Северна Македонија е многу заинтересирана за унапредување на соработката со Србија во сите делови на енергетскиот сектор, а особено го истакна поврзувањето во гасниот сектор, кој е важен за диверзификација на снабдувањето со овој извор на енергија.

Министерот Бектеши истакна дека зголемувањето на билатералната соработка помеѓу Северна Македонија и Србија е од клучна важност за растот на економиите на двете земји

Србија е заинтересирана за подобра соработка со Северна Македонија, за поврзување со гасни интерконекции, за соработка во областа на електричната енергија и обновливите извори на енергија, изјави српската вицепремиерка Михајловиќ, соопштија од нејзиниот кабинет.

-Верувам дека нашата соработка е важна и за регионот и дека се што правиме заедно придонесува за нашата енергетска безбедност како регион. Исто така, има простор за подобрување на соработката во рамките на иницијативата Отворен Балкан, што е важно за побрз економски развој на регионот, кажа Зорана Михајловиќ.

На средбата одржана на маргините на денешниот Министерски совет на Енергетската заедница, што се одржа во Белград, се разговараше и за изградба на гасна интерконекција меѓу двете земји, на која беше договорено да се формира работна група предводена од претставници на надлежните министерства на двете држави.

Договорено е и во наредниот период да биде потпишан меморандум за разбирање меѓу двете министерства.

Би можело да ве интересира

12.159 новозаразени во Србија

Ана Ололовска

ВИДЕО: Со трубачи на минус два оди по парите во обложувалница во Ниш

Ана Ололовска

Маж од Ниш легнал на пруга да се самоубие, но возачот го видел и закочил

Ана Ололовска

Во Србија се потврдени 14.717 новозаразени со ковид

Ана Ололовска

Српскиот епидемиолог Тиодоровиќ: Не треба да се потценува омикронот, особено сега кога е актуелен и грипот

Ана Ололовска

Вулин тврди дека добиле информации за криминална група што сака да го убие Вучиќ

А1он