МФ: Јавниот и државниот долг за прво тримесечје во рамки на планираното

Од:

Јавниот и државниот долг во првото тримесечје од 2021 година, по повлекување на средствата од осмата еврообврзницата, забележуваат благ раст од 2,3 и 2,9 процентни поени респективно. Јавниот долг изнесува 62,5 отсто, додека државниот изнесува 54,1 отсто, соопшти Министерството за финансии.

Како што истакнуваат од Министерството, издавањето на осмата еврообврзница во износ од 700 милиони евра, со историски најниска каматна стапка од 1,625 отсто, е со цел рефинансирање на еврообврзницата издадена во 2014 година со каматна стапка од 3,975 отсто. Отплатата на еврообврзницата од 2014 година во јули, според Министерството за финансии, ќе влијае на намалување на тековната состојба и на јавниот и на државниот долг.

– Други исплати и повлекувања кои влијаеа на состојбата на државниот и јавниот долг во првото тримесечје од годинава се намалување на состојбата на државните хартии од вредност за 23,4 милиони евра, емисијата на 19-та емисија на Обврзница за денационализација од 11,5 милиони евра, повлекување 11,8 милиони евра странски кредити за владини проекти и 8,9 милиони евра од страна на јавни претпријатија. Исто така, отплатени се обврски по основ на главнина во износ од 44,5 милиони евра. Согласно тековната динамика на реализација на јавниот и државниот долг, очекувањата се дека ќе останат во рамки на проекциите од 63,4% и 53,2% респективно, се вели во соопштението од Министерството за финансии.

На среден рок, односно до 2025 година, проекциите во Стратегијата за управување со јавниот долг се дека тој ќе се стабилизира и ќе се намали на 58,8 отсто, односно под нивото утврдено со Мастришкиот критериум, додека државниот долг ќе се сведе на 51 проценти. Ова, според МФ, ќе се реализира, од една страна, преку планот и мерките за постепена фискална консолидација, односно постепено намалување на буџетскиот дефицит, и од друга страна преку забрзување на економскиот раст, односно продуцирање поголема додадена вредност од којашто полесно ќе може да се сервисира долгот што доспева.

Инаку, како резултат на ковид-кризата, согласно податоците на Меѓународниот монетарен фонд, кај скоро сите европски земји (освен Норвешка) има висок раст на државниот долг во 2020 година во споредба со 2019 година. Така, Шпанија има раст на долгот од 27,5 процентни поени, Италија раст на долгот од 27 процентни поени, Грција раст од 24,3 процентни поени. Во регионот, покрај Грција, Албанија има најголем раст на долгот од 15,6 процентни поени, Словенија раст од 14,9 процентни поени и Хрватска со 14,5 процентни поени раст на долгот. сст/сп/

2021-04-29 15:59:17, од Славица Стефановска

Би можело да ве интересира

Ангеловска-Бежоска на Програмата за бизнис-лидери: Со поголема транспарентност до поголема ефективност на монетарната политика

Ана Ололовска

Ангеловска-Бежоска на Форумот на „Еуромани“: Глобализацијата, дигитализацијата и другите структурни промени во економиите ќе влијаат на новата постпандемична улога на централните банки

Ана Ололовска

НБ: На 1 февруари завршува рокот за пријавување на научните трудови за Годишната награда на Народната банка

Ана Ололовска

Во 2021 година вратени 488 милиони евра кон стопанството по основ на ДДВ, 22,8 проценти повеќе од 2020

Ана Ололовска

МФ: Во буџетот за 2021 година остварени 15,3 отсто повеќе приходи од 2020

Ана Ололовска

Граѓаните се повеќе ги користат платежните картички, зголемен раст во третиот квартал од 2021

Ана Ололовска