Маск продаде 10 отсто од акциите во „Тесла“

Од:

Основачот на „Тесла“, Илон Маск, продаде акции во вредност поголема од 1,1 милијарда долари, јави Си-Ен-Би-Си, повикувајќи се на финансиски документи.

dobivaj vesti na viber

Тој продал повеќе од 930.000 акции откако беше обвинет за затајување данок. Бизнисменот, меѓутоа, сè уште поседува повеќе од 170 милиони акции во компанијата.

Продажбата на акциите веќе е реалност, откако бизнисменот на Твитер најави дека ќе продаде 10 отсто од своите акции во „Тесла“.

Основачот на „Тесла“ во саботата твитна дека „во последно време многу се зборува за неостварената добивка како алатка за даночно затајување“, па тој понуди да продаде 10 отсто од своите акции во „Тесла“ и изрази подготвеност да донесе одлука врз основа на анкета меѓу интернет потрошувачите. Повеќе од половината од нив или 57,9 отсто се изјаснија за продажба на акциите.

Весникот „Волстрит журнал“ истакна дека Маск останува најголемиот акционер во „Тесла“, со сопственост врз околу 17 отсто од компанијата, чија вредност се проценува на околу 200 милијарди долари.

Маск објасни дека ги продава акциите за да си ги плати даноците.

Претходно, бизнисменот го критикуваше „данокот за милијардерите“, што го предлагаат демократите во американскиот Конгрес.

Веднаш по неговиот твит вредноста на акциите на „Тесла“ опадна, а капитализацијата на компанијата падна под еден трилион долари.

Американската компанија „Тесла Моторс“ е основана во 2003 година како иноватор и производител на електрични возила и сродни технологии. Седиштето на компанијата е во Пало Алто, во Калифорнија. Покрај електричните возила, компанијата произведува батерии и електрични мотори користејќи сопствена технологија и ги продава на други автомобилски компании како „Тојота“ и „Дајмлер“.

Според рејтингот на милијардери на „Форбс“, на 1 ноември годинава Маск стана првиот човек во историјата чие богатство надмина 300 милијарди долари.

Би можело да ве интересира

Маск продаде акции на „Тесла“ за 6,9 милијарди долари

А1он

Илон Макс демантира дека го растурил бракот на ко-основачот на „Гугл“

Катерина Павлова-Николовска

Твитер го тужи Елон Маск

Катерина Павлова-Николовска

Елон Макс се предомисли, не го купува Твитер

Катерина Павлова-Николовска

Маск: Имам лошо чувство за економијата, треба да паузира вработувањето во светот

Катерина Павлова-Николовска

Тесла може да се врати на нормално производство во Шангај до средината на мај