СДСМ на пред конференција кажа дека ваков или сличен меморандум за разбирање, министерот за финансии Зоран Ставрески потпишал и пред две години во Русија.
„Но и покрај тоа ниту едно метро гасна цевка плус не беше поставена“, рече Јани Макрадули и рече дека врз основа на меморандумот и изјавите на владините министри остануваат дилемите
„Дали вистинската намера на овој договор е рокот за истекување на важност на затварањето на клириншкиот долг, упадот во законот за експропријација, во делот на ГАМА, во делот на секундарните гасоводни мрежи, кои се во управување на општините.
„Без да навлегуваме во причините зошто првиот меморандум неуспешно заврши и што е разликата меѓу првиот и овој меморандум од пред некој ден, сакаме уште еднаш да ја увериме власта дека ќе ги следиме сите идни чекори и нема да дозволиме гасификацијата да остане на уште една фото-сесија.
– Редовно ќе ја потсетуваме Владата за пропуштените придобивки од гасификацијата. Тврдиме дека ќе беше многу покорисно за граѓаните, Владата наместо да потроши само до сега 350 милиони евра на камен, бронза, споменици и огради, да ги инвестираше овие стотици милиони евра во енергетиката“, рече Јани Макрадули.