Македонските вина промовирани во Кина

Од:

Вината на 11 македонски винарски визби од денеска до сабота ќе се презентираат на Саемот за промоција на вино и пијалоци „Интервине“ што се одржува во градот Гуанџоу во Кина.

На заеднички павилјон ќе бидат претставени вината на Тиквеш, Стоби, Сковин, Далвина, Попов, Бовин, Камник, Дудин, Езимит, Имако и Попова Кула. Предвидена е и дегустација на македонските вина од сортата „вранец“ и презентација на Македонија како туристичка и инвестициска дестинација за љубителите на вино.

На натпреварот за вино, во конкуренција на 130 вина од 20 држави, беа прогласени вината „Вранец Веритас 2011“ од винаријата „Стоби“ за најдобро црвено вино и „Дисан 2010“ од винаријата „Бовин“ за најдобро оценето вино во категоријата најдобар сооднос на цена и квалитет. Признание за најдобар стратешки партнер на овогодинешното издание на саемот доби Агенцијата за странски инвестиции и промоција на извозот на Република Македонија.

Штандот од 120 метри квадратни на кој се претставуваат македонските вина беше обезбеден со финансиска поддршка од Министерството за земјоделство, шумарство и водостопанство. Во организацијата беа вклучени и Агенцијата за странски инвестиции и промоција на извозот, Агенцијата за поддршка на туризмот  и Здружението „Вина од Македонија“, како и Амбасадата на Република Македонија во НР Кина.

Ова е најголемиот саем во областа Гвандонг, јужна Кина, на кој своите вина ги презентираат повеќе од 500 изложувачи од 20 земји од светот. Саемот го посетуваат повеќе од 20.000 увозници и дистрибутери на вино од цела Кина.

Би можело да ве интересира

Ковачевски: Со мерките на СДСМ расте производството и извозот на македонско вино

Ковачевски за обвинувањата од Трипуновски: Тој доаѓа од партија што смета дека вино се прави од стиропор

Орце Костов

Николовски: Малите семејни винарии се успешна приказна, регистрирани 173 вакви винарии

Горан Наумовски

За првпат ќе се утврдува производствена цена за килограм винско грозје, предлог-законот за вино помина во прво читање на Комисијата за европски прашања

МЗШВ: Владата ги усвои програмите за поддршка на малите производители на храна и малите производители на вино за 2024 година

Ковачевски од Кавадарци: Македонското вино го издигнавме на 13 место во светот, расте и девизниот прилив