Македонските дипломи ќе важат и во Русија

Од:

Вицепремиерот и министер за финансии, Зоран Ставрески со претставници на Владата на Руската Федерација потпише меѓудржавна Спогодба за заемно признавање на документите за образование и научните звања. Со тој документ се усогласуваат нормите за признавање на образовните дипломи стекнати во училиштата и на универзитетите во двете земји.

Владината делегација предводена од премиерот Никола Груевски денеска ги промовира инвестициските можности на бизнис форум во градот Владимир, а предвидена е и средба со губернаторот на Владимирската област, Николај Виноградов.

Престојот во Руската Федерација македонскиот економски тим го почна со посета на Москва каде учествуваше на бизнис форум организиран од Трговско-индустриската Комора на Русија. Премиерот Груевски се сретна со губернаторот на Московската област Сергеј Шојгу, како и со менаџерскиот тим на компанијата „Протек Груп“.

Инвестициските поволности утре ќе бидат претставени пред стопанствениците од рускиот град Нижњиј Новогород, каде што владината делегација ќе оствари средба и со Валериј Шанцев, губернатор на Новогородската област.

Четврток и петок се предвидени за престој во Санкт Петерсбург, каде што владината делегација ќе ги презентира поволностите за отворање и водење бизнис на форумот што го организира Трговско-индустриската комора на Санкт Петерсбург. Премиерот Груевски и владината делегација ќе присуствува и на отворањето и пленарното заседание на Меѓународниот економски форум на Санкт Петерсбург, каде е договорена средба со претседателот на Руската Федерација Владимир Путин.

Во Санкт Петерсбург владиниот тим ќе има средби со менаџерските тимови на компанијата „Газпром“, чија дејност е производство на природен гас, на „Стројтрансгас“, чиј делокруг на работа е дистрибуција и стопанисување со природен гас, и на компанијата „Лукоил“, која се занимава со производство и трговија на нафта и нафтени деривати.

Премиерот Груевски во Санкт Петерсбург свечено ќе го отвори Почесниот конзулат на Република Македонија, и ќе се сретне со губернаторот на Ленинградската област, Александар Дрозденко.

 

 

Би можело да ве интересира

Заев: Секоја криза е шанса, затоа планираме големи проекти

Жарко Настоски

ВИДЕО: Инвестиции од повеќе од осум милијарди евра, најави премиерот Заев за следните шест години

Ана Ололовска

Чекаме важни европски пари за обнова на економијата по ковид-кризата, вели Заев

Жарко Настоски

„Гересхајмер“ отвори фабрика во Бунарџик, инвестиција од 25 милиони евра и 400 работни места

Ана Ололовска

ВИДЕО: „Дрекселмајер“ отвора нова производствена линија во Кавадарци и нов производствен погон во Куманово

Ана Ололовска

ВИДЕО: Заев во Делчево на почетокот на градежните работи за изградба на современ градски пазар

Ана Ололовска

1 comment

Бучкуруш 19/06/2012 - 14:46 at 14:46

Јас помислив дека Путин ке ги прими во неговата резиденција, ова излегува дека ке се сретнат во некој ходник на поминување…

Reply

Leave a Comment

sixteen − thirteen =