Лагард: Најлошото помина, подгответе се за втор бран

Од:

Еврозоната највероватно го помина најлошиот дел од еконоската криза предизвикана од пандемијата со Ковид-19, изјави денеска претседателката на Европска централна банка (ЕЦБ), Кристин Лагард.

– Најверојатно ја поминавме најниската точка и тоа го велам со извесен страв, бидејќи би можело да дојде до сериозен втор бран, посочи Лагард.

ЕЦБ денеска го објави извештајот според кои кредитирањето на компаниите од еврозоната продолжи да расте во мај, бидејќи фирмите повеќе се потпираа на кредите за ликвидност, надминувајќи ги проблемите предизвикани од пандемијата.

Во мај е забележан пораст на кредитирање на нефинансиските корпорации за 7,3 отсто во однос на растот во април, што изнесуваше 6,6 проценти, што е највисока стапка од почетокот на 2009 година.

Во извештајот се посочува дека забележан е раст од три отсто на кредитирањето на домаќинствата.

ЕЦБ само минатата недела позајмила 1,3 билиони евра на банките по каматна стапка од минус еден отсто, под услов банките тие средства да ги пласираат во реалната економија.

Би можело да ве интересира

Лагард: Европа не смее да ја пролонгира распределбата на 750 милијарди евра од фондот за санација на економијата

Ана Ололовска

ЕЦБ построго ќе проверува кандидати за директори на банки

Ана Ололовска

Невработеноста во Еврозоната се зголеми на 7,9 проценти

Ана Ололовска

ВИДЕО: ЕЦБ и овозможи на Народната банка користење ликвидносни средства до 400 милиони евра

Ана Ололовска

БДП во еврозоната со пад од 14,4 отсто

Ана Ололовска

ЕЦБ побара од банките да не исплаќаат дивиденди до 1 јануари следната година

Ана Ололовска