Меѓународните кредитори на Грција (ММФ,ЕУ,ЕЦБ) покажаа значителна флексибилност во синоќа претставените предлози со цел да се дојде до деблокирање на преговорите, изјави извршниот директор на Меѓународниот монетарен фонд (ММФ) Кристин Лагард, цитирана од француските медиуми.
Лагард изрази увереност дека Грција нема да прогласи инсолвентност за својот долг кон ММФ и, како што е предвидено, до утре вечер ќе го изврши првото плаќање во вредност од околу 300 милиони евра.
Директорката на Фондот, цитирана од ТАСС, ја поздрави вчерашната конструктивна средба на грчките власти со претставниците на раководството на ЕУ.
Според неа, новиот предлог е многу пофлексибилен и ги покажува социјално-економските услови во Грција.