Крушево очекува туристичко лето со странски посетители и меѓународни првенства

Од:

Туристичко и историско Крушево реално очекува летово да има туристи и посетители од земајва и од странство. Деновиве е потврдено дека ќе се одржи Светското првенство во змејарство во јули и уште два меѓународини купа во август.

Според крушевскиот градоначалник Томе Христоски странските гости и вљубеници во алтернативниот туризам веќе се најавени.

-Во тек се подготовките за одржувањето на светското првенство во змејарство кое ќе се одржи од 17 до 31 јули. Во контакт сме со светската параглајдерска федерација и деновиве не известија дека Светското првенство во змејарство ќе се одржи годинава. Има уште два меѓународни натпревари – Холандското првенство и Озон опен-првенството кои ќе се одржат во август. Веќе се отворени аранжманите. Досега се пријавуваа наши, домашни туристи, меѓутоа, со пријавувањето на меѓународните натпревари и со генералната имунизација на светско ниво, почнаа да се пријавуваат и странци. Во моментов се пријавени гости од Полска, па од Русија, Украина, од Норвешка, вели Христоски.

Крушево останува на светската мапа за одржување меѓународни настани, а секако и на национални. За збогатување на содржините, веќе се гради контролна кула за светските параглајдеристи кај полетувалиштето на Мечкин камен.

-Во моментов градиме контролна кула на самото полетувалиште на Мечкин Камен за непречено, нормално и безбедно одвивање на меѓунарондите натпреварувања. Во склопот на самата Кула ќе има сала за состаноци и доколку се лоши временските услови учесниците да се сместат, вели Христоски.

Крушевските угостители нестрпливо ги очекуваат гостите и крушевското лето да заживее. Градот располага со околу 1000 легла. Како што објаснува Жан Здравески-Шапе, познат угостител од Крушево, имаат некоја помош од државата, но главно е пристигнувањето на гостите и враќањето во „нормала“ кога станува збор за посетителите и туристите.

-Во секој случај, со почетокот на вакцинацијата, се надеваме дека ќе има повеќе гости. Меѓу нив се чувствува слободата од вирусот и би требало да има некое придвижување. Нашите домашни гости полека почнуваат да придвижуваат. Очекуваме и натпревари во параглајдерство и змејарство. Ќе се чувствува тоа придвижување. Имаме најава за Светското првенство во змејарство, треба да има летачи во параглајдинг. Се најавува и се надеваме на реализација. Како угостителски сектор ни треба малку да се олабават мерките за да можеме послободно да функционираме и да работиме. Помошта која ја пушта државата е ситна, но, сепак, нешто се задоволува, покрива некој расход, вели Здравески.

Крушево последниве години, е раздвижено. Се менуваат и се обновуваат содржините и се обновува инфраструктурно што е битно за гостите кои пренесуваат на идни посетители и интересот за Крушево расте.

Би можело да ве интересира

Скопјани имаат најголеми, а жителите на Крушево најмали можности за здравствена заштита

Катерина Ѓуровски

Загинатите кај Крушево се од едно семејство – мајка и дете починаа, таткото и две деца повредени

СДСМ: Зечевиќ со млади социјалдемократи на коњички марш во Крушево

Солистички концерт на пијанистката Даница Стојанов во Крушево

Горан Наумовски

Извлечен брачен пар кој со возило заглавил во снежните наноси во крушевско

Катерина Ѓуровски

Скопјанец со нож и се заканувал на битолчанка и на нејзиното дете

Горан Наумовски