Ќе се редефинира категоријата ранливи потрошувачи на електрична енергија

Од:

Регулаторната комисија за енергетика (РКЕ) во соработка со Владата и министествата за труд и социјална политика и за економија во наредниот период ќе треба да ја редефинира категоријата ранливи потрошувачи на електрична енергија. Ним, согласно новите правила за снабдување со електрична енергија, што ќе важат од 1 јануари идната година, нема да може да им се исклучи електричната енергија во зимскиот период.

– Очекувам да биде зголемен опфатот на категоријата ранливи потрошувачи на кои нема да може да им се исклучува електричната енергија во зимскиот париод. Покрај стандардните потрошувачи кои примаат социјална помош во оваа категорија ќе треба да влезат и потрошувачи кои имаат проблем со плаќањето на сметките за електрична енергија, изјави претседателот на РКЕ Марко Бислимовски пред почетокот на денешната подоготвителна седница на која се разгледуваат правилата за снабдување со електрична енергија што ќе важат по целосната либерализација на пазарот.

Тој истакна дека во моментов на регулираниот пазар на електрична енергија процентот на наплата на сметките за потрошена електрична енергија изнесува околу 93 отсто.

За останатите потрошувачи, додаде, ќе продолжи да важи одредбата да може да им се исклучи електричната енергија доколку не го подмириле својот долг, но по добивање на известување за заостанат долг заедно со сметката.

– Со новите мрежни правила за дистрибуција за 15 до 20 проценти ќе биде намален надоместокот за повторно вклучување во мрежата на исклучените потрошувачи поради неплаќање на сметките. Во овој момент во правилата за снабдување со електрична енергија не е јасно наведено дали ќе остане одредбата исклучувањето да биде за една неплатена сметка. Сакаме да ги слушнеме и снабдувачите што имаат да кажат, имајќи го во предвид нивното искуство на слободниот пазар, појасни Бислимовски.

Според сознанијата на РКЕ, како што кажа, на слободниот пазар во моментов нема некои поголеми проблеми околу неплаќањето на сметките на електрична енергија и бројот на неплаќачи може да се мери во промили.

Претседателот на РКЕ посочи дека во соработка со УСАУИД се изработува веб-калкулатор на кој потрошувачите ќе можат да проверат колку приближно ќе треба да платат за потрошената електрична енергија доколку излезат на слободниот пазар. Секој од снабдувачите со електрична енергија ќе мора да даде податоци колку изнесува неговата конкретна цена за електрична енергија за домаќинство за да можат домаќинствата да пресметаат колку ќе треба да платат за купување и дистрибуција на струјата.

Би можело да ве интересира

Во ниту еден случај нема да се поскапи парното за домаќинствата, тврдат од Регулаторна

Орце Костов

Бислимоски: Без 200 денари за мрежарина, граѓаните ќе имаа поскапи прв блок и евтина тарифа за 15 отсто

Орце Костов

РКЕ: Неточни се наводите на професорот Трајковски дека мрежарината ги зголемува сметките

Орце Костов

Професор Трајковски: Фиксната мрежарина ги прави сметките поголеми при сите нивоа на потрошувачка

Орце Костов

Бислимоски: За две години се инсталирани фотоволтаици со иста моќност колку РЕК Битола

Орце Костов

Училиштата и градинките ќе плаќаат за 35 отсто поевтино парно, Регулаторот ги намали сметките

Орце Костов