Три правни субјекти добиле казни од по 300.000 денари затоа што Државниот пазарен инспекторат констатирал дека го продавале леб кој треба да чини 33 денари за повисока цена. ДПИ и вечерва е во контрола на производителите на леб кои треба да ја почитуваат одлуката на Владата за замрзнување на цената.
–Во овие контроли се направени четири записници со утврдени неправилности, изречени се парични казни од над 300 000 денари. Казните се многу високи, согласно законот за трговија, па и законот за заштита на потрошувачите, се движат од 500 до 10 000 евра по правен субјект или од 50 до 500 евра за одговорното лице. Имаше ситуација каде што лебот не е по замрзнатата цена, односно беше над 33 денари, изјави вечерва Александра Котели од ДПИ.
Три од прекршувањата се во Скопје, а едно во Куманово.