Јуанот стана петта валута на „кошницата“ на ММФ

Од:

Меѓународниот монетарен фонд (ММФ) соопшти дека донел одлука кинескиот јуан од денеска да биде вклучен како петта валута во неговата „валутна кошница“, врз основа на која се определува курсот на специјалните права на извлекување на Фондот.

Досега „валутната кошница“ на ММФ ја сочинуваа американскиот долар, еврото, јапонскиот јен и британската фунта.

Со новиот сооднос на силите меѓу валутите што ги утврди Советот на директори на ММФ, доларот во „кошницата“ учествува со 41,73 отсто, еврото со 30,93 проценти, јуанот со 10,92, јенот со 8,33, а фунтата со 8,09 отсто.

Овие проценти не се фиксни и варираат во зависност од промената на курсот на секоја од валутите.

Следното преразгледување на составот на „валутната кошница“ на ММФ е предвидено за по пет години,

Директорката на ММФ, Кристин Лагард оцени дека вклучувањето на јунаот во „валутната кошница“ претставува „важен и историски чекор“ за меѓународиниот финансиски систем.

– Тоа претставува признание за напредокот на Кина во реформите на нејзината валута и на финансискиот систем, нагласи Лагард.

Би можело да ве интересира

Кристалина Георгиева: САД, Кина и Омикрон го забавуваат економското закрепнување

Ана Ололовска

ММФ: Можни се економски потреси во пазарните економии во развој

Ана Ололовска

Швајцарскиот франк, јенот и данската круна се најстабилните валути во светот

НБ: ММФ со уште една потврда за стабилноста на денарот

Ана Ололовска

ММФ: Раст од 4,2 и инфлација од 3,9 проценти во 2022, пандемијата и понатаму предизвикува неизвесност

Ана Ололовска

ММФ од идната година нема да има канцеларија во Бразил

Ана Ололовска