Најпродуктивни луѓе се оние на возраст меѓу 35 и 44 години, покажа студијата која оваа недела ја објави австрискиот економски институт „Wifo“.
Зад оваа група, според продуктивност, се работниците на возраст меѓу 45 и 54 години.
– Целоживотно учење е нужен предуслов за висок степен на продуктивност и во повозрасната доба, вели претставник на Институтот.
Во „Wifu“ одлучиле да го спроведат истражувањето поради актуелната расправа за зголемувањето на возраста за одењето во пензија, што има смисла само доколу постарите работници остануваат продуктивни.
Студијата покажа дека продуктивноста расте од 35 години, а по 54. година опаѓа, иако на брзина на опаѓање на продуктивноста може да се влијае со мерки од областа на здравството и образованието.
МИА