Исплатени 47 милиони евра за неживотно осигурување

Од:

Осигурителните компании во првите девет месеци од годинава исплатиле 47 милиони евра за неживотно осигирување. Исплатени се над 55 илјади штети што е за 20 проценти повеќе во однос на истиот период минатата година.

dobivaj vesti na viber

Од Агенцијата за супервизија на осигурувањето информираат дека вкупниот износ на исплатени штети во овој период е за 6,9 милиони евра или за 17 отсто повисок во однос на истиот период лани.

Од штети на осигурен имот, која е најголемата доброволна осигурителна класа, осигурениците наплатиле вкупно 7,6 милиони евра што е 22,6 отсто повеќе од истиот период минатата година. Притоа, физичките лица од штети на осигурен имот наплатиле 3,23 милиони евра што е за 11 отсто повеќе од лани, а на правните лица, пред се на компаниите, за штети на имотот им биле исплатени 4,4 милиони евра или 33 отсто повеќе од истиот период во 2020 година.

Кај приватното здравствено осигурување, кое е најбрзорастечката класа, исплатени се 90 отсто повеќе средства во споредба со првите девет месеци лани. Осигурениците од нивните полиси за приватно здравствено осигурување наплатиле 2,33 милиони евра.

Кај осигурувањето од незгода, која е најбројна осигурителна класа со над половина милион склучени договори, до крајот на септември исплатени се 5,4 милиони евра или 18 проценти повеќе од лани. Во делот на каско осигурувањето, исплатени се штети на исто ниво како и минатата година.

– Кај законски задолжителното осигурување од автомобилска одговорност компаниите на осигуреници исплатиле 1,26 милијарди денари (20,54 мил.евра) заклучно со крајот на септември годинава. Тоа е за 19 отсто повеќе односно 203 милиони денари (3,3 мил.евра) повеќе од истиот период лани. По основ на штети покриени со зелен картон осигурителните компании за првите девет месеци исплатиле 215 милиони денари (3,5 мил.евра) што е за 2 отсто помалку од истиот период лани, информираат од АСО.

Би можело да ве интересира

Осигуреник наплатил 308.000 евра штета за осигуран имот

Ана Ололовска

АСО: Продажбата на полиси достигна 122 милиони евра, осигурувањето порасна за 18 отсто

Ана Ололовска

АСО: За 83 отсто зголемен бројот на претставки решени во корист на осигуреници

Ана Ололовска

Бројот на исплатени штети зголемен за 15 проценти, осигуреници наплатиле 31,5 милиони евра

Ана Ололовска

Зголемување на капиталот на Халк Осигурување АД Скопје

Ана Ололовска

Осигурителните компании платиле 10,2 милиона евра провизии за продажбата на своите посредници

Ана Ололовска