Интензивно се работи на регионалниот пат Штип-Радовиш, реконструкцијата ќе заврши во август

Интензивно се врши реконструкција на регионалниот пат Штип-Радовиш, по кој се одвива сообраќај од Штип кон Радовиш и Струмица. Фирмата „Штрабаг“, која го гради експресниот пат Штип-Радовиш е задолжена да изврши рехабилитација на 21 километар од регионалниот пат. Министерот за транспорт и врски, Горан Сугарески и директорот на ЈП за државни патишта, Зоран Китанов извршија увид во реконструкцијата, кај местото викано „Пилав Тепе“.

Инвестицијата е во вредност 2.400.000 евр, а министерот за транспорт и врски, Горан Сугарески истакна дека како никогаш досега се работи на реконструкција на регионалните и магистрални патишта, но и на изградба на нови делници.

-Се правват бројни реконструкции, што е уште поважно се работи на патишта на кои 40 или 50 години апсолутно ниту метар асфалт не е фрлен. За жал изминатите десет години се инвестираше во други непродуктивни работи. Во моментов што е многу важно за овој регион е дека се инвестираат над 100 милиони евра во два експресни пата и тоа Штип-Радовиш и Штип-Кочани. Гледате денеска и овде се реконструира, изјави Сугарески.

Директорот на ЈП за државни патишта, Зоран Китанов истакна дека до август ќе се заврши реконструкцијата на регионалниот пат Штип-Радовиш. Забележа дека на 20 метри од овој пат интензивно се гради и новиот експресен пат Штип-Радовиш, а за кој истакна дека веќе во август и таму ќе почне ставањето на првиот слој асфалт.

-Во моментов се работи на рехабилитација на над 400 километри патишта низ нашата држава, што регионални, што магистрални, што автопатишта. Не е потребата само да градиме нови автопатишта, а старите да ги забораваме, вели Китанов.

Што се однесува за вториот лот од новиот експресен пат Штип-Радовиш од штипската населба Три Чешми до мостотот на реката
Брегалница и од рудникот „Бучим“ до влезот на Радовиш, Китанов истакна дека е завршена квалификациската тендерска постапка, а проектот се реализира преку Европската инвестициона банка, а понудите на фирмите се испратени во Лондон во седиштето на банката и веќе се очекува повратен одговор, која од фирмите ќе биде избрана за изведувач на градежните работи.

Министерот за транспорт и врски, Сугарески забележа дека имаат реконструкции и на патишта во Малешевско-пијанечкиот регион и во струмичкиот регион, кон границата со Бугарија.

-Сакам да потенцирам дека во делот на капиталните инвестиции, кои се исклучително важни. Она што го прогнозирав за вториот квартал, конкретно во Министерството за транспорт и врски и ЈП за државни патишта имаме одлична динамика на реализација. Тоа претпоставувам дека и сите и оние што не скаат да го видат после завршувањето на вториот квартал на 30 јуни, бидејќи интензивно се инвестира во делот на гасификацијата и во делот на железниците и се разбира во делот на патната инфраструктура. Реализацијата е на одлично високо ниво и во делот на гасификацијата знаете дека е направен гасоводот од Штип до Неготино интензивна динамика имаме на лотот од Неготино до Битола, вели Сугарески.

Би можело да ве интересира

Почина директорот на МЖ Транспорт Шабан Зендели

Ана Ололовска

ВИДЕО: Официјално пуштен во употреба автопатот Миладиновци-Штип

Ана Ололовска

Михајловиќ: Во проектот на брзата пруга Белград-Будимпешта сакаме да ги вклучиме и Северна Македонија и Грција

Ана Ололовска

Безбедноста во патниот и железничкиот сообраќај пред Комисијата за транспорт

Ана Ололовска

„Визер“ воведува нов лет од Охрид до Дортмунд

Ана Ололовска

Започна изградбата на пругата Приштина – Генерал Јанковиќ, Харадинај бара линија за Драч