Индустриското производство во септември со пад од 3,9 отсто, од почетокот на годината 12,1 отсто

Од:

Индустриското производство во септември годинава, во однос на септември 2019 година бележи пад од 3,9 отсто, објави Државниот завод за статистика.

Според објавените податоци индустриското производство во периодот јануари – септември 2020 година, во однос на периодот јануари – септември 2019 година, бележи пад од 12,1 отсто.

Гледано по сектори, индустриското производство во секторот рударство и вадење камен во септември 2020 година, во однос на септември 2019 година, бележи опаѓање од 9,7 отсто, во преработувачка индустрија бележи опаѓање од 1,9 отсто, а во секторот снабдување со електрична енергија, гас, пареа и климатизација опаѓање од 13,2 отсто.

Намалувањето во секторот преработувачка индустрија е резултат, пред сѐ, на намаленото производство на прехранбени производи, пијалаци, текстил, облека, фабрикувани метални производи, освен машини и опрема, електрична опрема и производство на моторни возила, приколки и полуприколки.

Според главните индустриски групи, производството во септември 2020 година, во однос на септември 2019 година, бележи опаѓање кај енергија за 12 отсто, трајни производи за широка потрошувачка за 26,2 отсто и нетрајни производи за широка потрошувачка за 11,1 отсто, додека пораст бележи кај интермедијарни производи, освен енергија за пет отсто и Капитални производи за 2,4 отсто.

Би можело да ве интересира

Стопанска комора: Паметна специјализација за конкурентна економија

Ана Ололовска

Намален бројот на работници во индустријата

Ана Ололовска

Индустриското производство во јуни пониско за 15,1 отсто, во првите шест месеци намалување од 14,6 отсто

Ана Ололовска

Статистика: Неповолна состојбата во преработувачката индустрија, се очекува намалување на бројот на вработените

Ана Ололовска

Рекорден пад на индустриското производство во Европа во април

Жарко Настоски

Прометот во индустријата во април намален за 50,8 отсто во однос април лани

Ана Ололовска